ମୁମ୍ବାଇ: ଆମାଜନ ପ୍ରାଇମ ଭିଡିଓର ନୂଆ ୱେବ ସିରିଜ ‘ଦ ଫ୍ୟାମିଲି ମ୍ୟାନ’ ର ଟିଜର ଲଞ୍ଚ ହୋଇଯାଇଛି । ଏହି ସିରିଜରେ ମୁଖ୍ୟ ଭୂମିକାରେ ଅଭିନେତା ମନୋଜ ବାଜପେୟୀଙ୍କ ଦମଦାର ଅଭିନୟ ଦେଖିବାକୁ ମିଳିବ । ଏହି ସିରିଜର ଫାଷ୍ଟ ଲୁକ ପୋଷ୍ଟର କିଛି ଦିନ ପୂର୍ବରୁ ପ୍ରାଇମ ଭିଡିଓ ଜାରି କରିଥିଲା ।
‘ଦ ଫ୍ୟାମିଲି ମ୍ୟାନ’ରେ ମନୋଜ ଜଣେ ଜାସୁସ ଶ୍ରୀକାନ୍ତ ତିୱାରୀ ଭୂମିକାରେ ଦେଖାଯିବେ । ପ୍ରାଇମ ଭିଡିଓ ଦ୍ବାରା ରିଲିଜ ହୋଇଥିବା 43 ସେକେଣ୍ଡର ଏହି ଟିଜରରେ ମନୋଜଙ୍କ ଦୁଇଟି ଜୀବନ ଦେଖିବାକୁ ମିଳୁଛି ।
ଗୋଟିଏ ପଟେ ଯେଉଁଠାରେ ମନୋଜଙ୍କ ଜାସୁସ କାହାଣୀ ଦେଖିବାକୁ ମିଳୁଛି ସେହିଠାରେ ତାଙ୍କର ସାଧରଣ ମଣିଷ ଜୀବନର ମଧ୍ୟ କିଛି ଝଲକ ଟିଜରରେ ରଖାଯାଇଛି । ଏହାର ଟ୍ରେଲର ଆସନ୍ତା 5ରେ ରିଲିଜ ହେବାକୁ ଯାଉଛି । ଏହି ଥ୍ରିଲର ସିରିଜ ସହ ନିର୍ମାତା ରାଜ ନିଦିମେରୁ ଓ କୃଷ୍ଣା ଡିକେ ଡିଜିଟାଲ ଦୁନିଆରେ ପଦାର୍ପଣ କରିବେ ।
ଅନ୍ୟପଟେ ମନୋଜଙ୍କ ସହ ସିରିଜରେ ଅଭିନେତ୍ରୀ ପ୍ରିୟାମଣି, ଶାରିବ ହାସମୀ, ଗୁଲ ପନାଗ ଓ ସୁଦୀପ କିଶାନ ମୁଖ୍ୟ ଭୂମିକାରେ ନଜର ଆସିବେ ।
‘ଦ ଫ୍ୟାମିଲି ମ୍ୟାନ’ ସିରିଜ ଭାରତର ରାଷ୍ଟ୍ରୀୟ ଜାସୁସ ଏଜେନ୍ସିର ଜଣେ ଏଜେଣ୍ଟଙ୍କ ଜୀବନକୁ ନେଇ ଆଧାରିତ। ଯିଏ ଅଧିକ ଚାପ ଏବଂ କମ ରୋଜଗାରରେ ଚାକିରୀ ସହ ନିଜ ଫ୍ୟାମିଲର ରକ୍ଷା କରିବା ସହ ଦେଶକୁ ମଧ୍ୟ ଆତଙ୍କବାଦୀ ଠାରୁ ବଞ୍ଚାଉଥିବାର ଦେଖାଯିବେ।
