ହାଇଦ୍ରାବାଦ: ସାଉଥର ଷ୍ଟାଇଲିସ୍ ଷ୍ଟାର ଅଲୁ ଅର୍ଜୁନ କେବଳ ଅନସ୍କ୍ରିନରେ ନୁହେଁ ବରଂ ଅଫସ୍କ୍ରିନରେ ମଧ୍ୟ ଦର୍ଶକଙ୍କ ହୃଦୟ ଜିତିସାରିଛନ୍ତି । ବର୍ତ୍ତମାନ ପୁଷ୍ପା: ଦ ରାଇଜ୍ ପାଇଁ ଚର୍ଚ୍ଚାରେ ଥିବା ଅଲୁ ଅର୍ଜୁନ ନିକଟରେ କନ୍ନଡ ଅଭିନେତା ପୁନିତ୍ ରାଜକୁମାରାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଏହା ସହିତ ଅଲୁ ଅର୍ଜୁନ ଦିବଙ୍ଗତ ଅଭିନେତାଙ୍କ ପରିବାରକୁ ଭେଟି ସେମାନଙ୍କ ସହ କିଛି ସମୟ ବିତାଇଛନ୍ତି । ଅଲୁ ଅର୍ଜୁନ ଏହି ଫଟୋକୁ ସୋସିଆଲ ମିଡିଆରେ ସେୟାର କରିଛନ୍ତି, ଯାହା ଭାଇରାଲ ହେବାରେ ଲାଗିଛି । ଅଲୁ ଅର୍ଜୁନଙ୍କ ଏହି ଟ୍ବିଟରରେ ମଧ୍ୟ ଟ୍ରେଣ୍ଡ କରୁଛି।
ପ୍ରାୟ 2 ଘଣ୍ଟା ପୂର୍ବରୁ ଇନଷ୍ଟାଗ୍ରାମରେ ଅଲୁ ଅର୍ଜୁନ ଏକ ପୋଷ୍ଟ କରିଛନ୍ତି । ଏହି ପୋଷ୍ଟରେ ଅଲୁ ଅର୍ଜୁନ ସ୍ବର୍ଗତ କନ୍ନଡ ଅଭିନେତା ପୁନିତ ରାଜକୁମାରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଥିବା ଏବଂ ପୁନିତଙ୍କ ପରିବାର ସହ କଥାବାର୍ତ୍ତା କରୁଥିବା ନଜର ଆସିଛନ୍ତି । ଫଟୋ ସେୟାର କରି କ୍ୟାପସନରେ ଅଲୁ ଲେଖିଛନ୍ତି, ପୁନିତଙ୍କୁ ମୋର ବିନମ୍ର ଶ୍ରଦ୍ଧାଞ୍ଜଳି... ରାଜକୁମାରଙ୍କ ପରିବାର, ବନ୍ଧୁ, ପ୍ରଶଂସକ ଏବଂ ଶୁଭେଚ୍ଛୁମାନଙ୍କୁ ମୋର ସମ୍ମାନ।