ମୁମ୍ବାଇ: ଆଜି ବଲିଉଡର ନିର୍ଦ୍ଦେଶକ, ନିର୍ମାତା ତଥା ସ୍କ୍ରିନ୍ ରାଇଟର ମହେଶ ଭଟ୍ଟ 72 ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ତାଙ୍କ ଝିଅ ଆଲିଆ ଏବଂ ପୂଜା ଭଟ୍ଟ, ପତ୍ନୀ ସୋନି ରଜଦାନ, ଅଭିନେତା ଗୁଲଶନ ଗ୍ରୋଭର ଏବଂ ନୀନା ଗୁପ୍ତାଙ୍କ ସହିତ ଅନେକ ବଲିଉଡ ସେଲିବ୍ରିଟି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି।
ଆଲିଆ ଇନଷ୍ଟାଗ୍ରାମରେ ଦୁଇଟି ଫଟୋ ସେୟାର କରିଛନ୍ତି । ସେଥିମଧ୍ୟରୁ ଗୋଟିଏ ଫଟୋ ପିଲାଦିନର, ଯେଉଁଥିରେ ମହେଶ ଆଲିଆଙ୍କୁ କୋଳରେ ଧରିଥିବାର ନଜର ଆସିଛନ୍ତି ।
ଫଟୋ ସହିତ କ୍ୟାପସନରେ ଆଲିଆ ଲେଖିଛନ୍ତି, ଆଜି ମତେ କହିବାକୁ କିଛି ଭାଷା ମିଳୁନାହିଁ , କିନ୍ତୁ ମୁଁ ଗୋଟିଏ କଥା କହିବି ନିଜକୁ ଦେଖ, ତୁମେ ଯାହା ମନେରଖ ତୁମେ କିଏ । ହାପି ବର୍ଥଡେ ମୋର ମୁଫାସା । ତୁମେ ଜଣେ ବହୁତ ଭଲ ମଣିଷ। ଆଉ କିଛି ବିଶ୍ବାସ କର ନାହିଁ" ।
ସୋନି ଇନଷ୍ଟାଗ୍ରାମରେ ଲେଖିଛନ୍ତି, "ଜନ୍ମଦିନର ଶୁଭେଚ୍ଛା ସୁଇଟହାର୍ଟ। ତୁମର ଉତ୍ତମ ଜ୍ଞାନ ଆମକୁ ପ୍ରେରଣା ଯୋଗାଇ ଥାଏ।
ଆଜିର ଏହି ବିଶେଷ ଦିନରେ ବହୁ କଳାକାରମାନେ ମହେଶଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।