ହାଇଦ୍ରାବାଦ:ଆଜି(ମଙ୍ଗଳବାର) ବଲିଉଡ଼ର ଚକୋଲେଟ ବଏ ତଥା ଲୋକପ୍ରିୟ ଅଭିନେତା ରଣବୀର କପୁର ୩୯ ବର୍ଷରେ ପାଦ ଥାପିଛନ୍ତି । ତାଙ୍କ ସ୍ପେଶାଲ ଡେ'ରେ ମମ୍ ନୀତୁ କପୁର ଓ ଭଉଣୀ ରିଦ୍ଧିମା କପୁର ସୋସିଆଲ ମିଡ଼ିଆରେ ଫଟୋ ଓ ନୋଟ୍ସ ସେୟାର କରିଛନ୍ତି । ଏହି ଫଟୋରେ ରଣବୀରଙ୍କ ସହିତ ଆଲିଆ ଭଟ୍ଟଙ୍କୁ ମଧ୍ୟ ଦେଖିବାକୁ ମିଳିଛି ।
ରଣବୀରଙ୍କ ବଡ଼ ଭଉଣୀ ରିଦ୍ଧିମା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଭାଇ ରଣବୀରଙ୍କୁ ଜନ୍ମଦିବସର ଶୁଭେଚ୍ଛା ଜଣାଇଛନ୍ତି । ତେବେ ତାଙ୍କୁ ସମସ୍ତେ ଭଲ ପାଆନ୍ତି ବୋଲି ସେ ନିଜ ନୋଟ୍ସରେ ଲେଖିଛନ୍ତି । ଏହି ଫଟୋରେ ନୀତୁ, ରିଦ୍ଧିମା ଓ ରଣବୀରଙ୍କ ସହିତ ଆଲିଆ ଭଟ୍ଟ ଥିବା ଦେଖିବାକୁ ମିଳିଛି । ଏହି ଫଟୋକୁ ଗତ ଜୁନ ମାସରେ ମମ୍ ନୀତୁ ସିଂ ନିଜ ସୋସିଆଲ ମିଡ଼ିଆ ଆକାଉଣ୍ଟରେ ସେୟାର କରିଥିଲେ ।
ନୀତୁ ମଧ୍ୟ ଆଲିଆ ଭଟ୍ଟ ତାଙ୍କ ପରିବାର ସହିତ ଥିବା ଫଟୋ ସେୟାର କରି ରଣବୀରଙ୍କୁ ଜନ୍ମଦିବସର ଶୁଭେଚ୍ଛା ଜଣାଇଛନ୍ତି । ତେବେ ସୂଚନା ଥାଉ କି ରଣବୀର ନିଜର ୩୯ତମ ବର୍ଥ ଡେ' ପାଳନ କରିବା ପାଇଁ Rumour ଗର୍ଲଫ୍ରେଣ୍ଡ ଆଲିଆଙ୍କ ସହିତ ରାଜସ୍ଥାନର ଯୋଧପୁର ଗସ୍ତ କରିଛନ୍ତି । ଉଭୟ ଯୋଧପୁର ଏୟାରପୋର୍ଟରେ ପହଞ୍ଚିବା ପରେ ତାଙ୍କ ଫଟୋ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା ।