ମୁମ୍ବାଇ: କ୍ୟୁଟ ଅଭିନେତ୍ରୀ ଆଲିୟା ଭଟ୍ଟ ଏବେ ନିଜ ଆଗାମୀ ଫିଲ୍ମ ସଞ୍ଜୟ ଲୀଲା ଭଂସାଲୀଙ୍କ ଅପକମିଂ ଫିଲ୍ମ ‘ଗଙ୍ଗୁବାଇ କାଥିୟାୱାଡି’ ସୁଟିଂରେ ଖୁବ୍ ବ୍ୟସ୍ତ ଅଛନ୍ତି । ସେ ସୁଟିଂରୁ ରେଷ୍ଟ ନେବା ମାତ୍ରେ ଖବର ଜୋର ଧରିଥିଲା ଯେ ସୁଟିଂ ସେଟରେ ତାଙ୍କୁ ଆଘାତ ଲାଗିଛି । ଯାହାଦ୍ବାରା ସେ ରେଷ୍ଟରେ ଅଛନ୍ତି। ବର୍ତ୍ତମାନ ଏହି ଖବର ଉପରେ ରାଗି ଯାଇଛନ୍ତି ଆଲିୟା । ଏହି ଉଡା ଖବର ଉପରେ ସେ ନିଜ ପ୍ରତିକ୍ରିୟା ଦେଇଛନ୍ତି ।
ସେ ଇନଷ୍ଟାଗ୍ରାମରେ ଏକ ଷ୍ଟୋରି ସେୟାର କରି ଲେଖିଛନ୍ତି ଯେ ତାଙ୍କର କିଛି ହୋଇନାହିଁ । ତାଙ୍କ ଅଣ୍ଟାରେ ପୂର୍ବରୁ ଯନ୍ତ୍ରଣା ଥିଲା । ସେଟରେ କିଛି ହୋଇନାହିଁ । ସେ ମଙ୍ଗଳବାର ପୁଣି ଫିଲ୍ମର ସୁଟିଂ ଆରମ୍ଭ କରୁଛନ୍ତି । ତାଙ୍କ ଅସୁସ୍ଥ ଖବର ଶୁଣି ନିରାଶ ହୋଇଯାଇଥିବା ଫ୍ୟାନ୍ସକୁ ବର୍ତ୍ତମାନ ତାଙ୍କ ଏହି ପୋଷ୍ଟ ଦେଖି ଖୁସି ହୋଇଯାଇଛନ୍ତି ।