ହାଇଦ୍ରାବାଦ: ବଲିଉଡ଼ ଅଭିନେତ୍ରୀ ଆଲିଆ ଭଟ୍ଟ ଗତ କିଛି ଦିନ ଧରି ଫିଲ୍ମ RRRକୁ ନେଇ ଚର୍ଚ୍ଚାରେ ରହିଛନ୍ତି । ଏହି ଫିଲ୍ମରେ ଆଲିଆଙ୍କୁ ମୁଖ୍ୟ ଭୂମିକାରେ ଦେଖିବେ ଦର୍ଶକ । ଫିଲ୍ମର ପ୍ରମୋସନ ସମୟରେ ଆଲିଆ ନିଜ 'ଶାଢୀ ଲୁକ୍' ପାଇଁ ଅଧିକ ଚର୍ଚ୍ଚାରେ ରହୁଛନ୍ତି । ଲାଲ ରଙ୍ଗର ଶାଢୀ ପିନ୍ଧି ଇଣ୍ଟରନେଟରେ ଛାଇ ଯାଇଥିବା ବେଳେ ଏବେ ଆଲିଆଙ୍କ ନୀଳ ରଙ୍ଗର ଶାଢୀ ଲୁକ୍ ଖୁବ ଭାଇରାଲ ହେବାରେ ଲାଗିଛି ।
ଏହା ବି ପଢନ୍ତୁ: RRR trailer: ବାହୁବଳୀ ମ୍ୟାଜିକ ରିକ୍ରିଏଟ ପାଇଁ ନିର୍ଦ୍ଦେଶକ ରାଜମୌଲୀଙ୍କ ଲକ୍ଷ୍ୟ
ପ୍ରମୋସନ ସମୟରେ ଆଲିଆ ଏଥିନିକ ଲୁକ୍(Ethnic look)ରେ ନଜର ଆସୁଛନ୍ତି । ପ୍ରଥମେ ଲାଲ ଶାଢୀରେ ଆସିଥିବା ଆଲିଆଙ୍କ ଲୁକ୍କୁ ଫ୍ୟାନ୍ସ ଖୁବ ପସନ୍ଦ କରିଥିବାବେଳେ ଏବେ ନୀଳ ରଙ୍ଗର ଶାଢୀ ଲୁକ୍କୁ ମଧ୍ୟ ପ୍ରଶଂସା କରିଛନ୍ତି ଫ୍ୟାନ୍ସ । ନୀଳ ରଙ୍ଗର ଶାଢୀ ଲୁକ୍ର କିଛି ଫଟୋକୁ ଆଲିଆ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ନୀଳ ରଙ୍ଗର ଶାଢୀ ସହିତ ସ୍ଲିଭ କଟ୍ ବ୍ଲାଉଜ ପିନ୍ଧିଛନ୍ତି ବଲିଉଡ଼ର ଏହି କ୍ୟୁଟ ଗର୍ଲ । ସେପଟେ ବନ୍ ହେୟାର ସହିତ ପିନ୍ଧିଛନ୍ତି ଗଜରା ।
ନିଜ ପୂର୍ବ ଲୁକ୍ରେ ଆଲିଆ ଲାଲ ରଙ୍ଗର ଶାଢୀ ପିନ୍ଧିବା ସହିତ ସ୍ଲିଭଲେସ୍ ବ୍ଲାଉଜ ପିନ୍ଧିଥିଲେ । ଏହି ଲୁକ୍ରେ ସେ ଚୁଟି ଖୋଲା ରଖିଥିଲେ । ଏହି ଲୁକ୍ର ଫଟୋଗୁଡ଼ିକ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହାବ୍ୟତୀତ ଆଲିଆ ରଣବୀରଙ୍କୁ ଡେଟ୍ କରୁଥିବାରୁ ମଧ୍ୟ ଚର୍ଚ୍ଚାର ପରିସରରେ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
