ମୁମ୍ବାଇ: ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କ କୋଭିଡ -19 ଟେଷ୍ଟ ନେଗେଟିଭ ଆସିଛି । ଅଭିନେତ୍ରୀ ନିଜେ ସୋସିଆଲ ମିଡିଆରେ ଏହା ନିଶ୍ଚିତ କରିଛନ୍ତି । ରିପୋର୍ଟ ନେଗେଟିଭ ଆସିବା ପରେ ସେ ସୁଟିଂ ଆରମ୍ଭ କରିଛନ୍ତି ।
ଇନଷ୍ଟାଗ୍ରାମରେ ଆଲିଆ ଏକ ନୋଟରେ ଲେଖିଛନ୍ତି, 'ମୋ ପାଇଁ ଚିନ୍ତା କରୁଥିବା ସମସ୍ତଙ୍କ ମେସେଜ ମୁଁ ପଢୁଛି । ମୋର କୋଭିଡ୍ -19 ରିପୋର୍ଟ ନେଗେଟିଭ ଆସିଛି । ଆଜି ମୁଁ କାମକୁ ଫେରିଛି । ତୁମ ସମସ୍ତଙ୍କ ଭଲପାଇବା ପାଇଁ ଧନ୍ୟବାଦ । ମୁଁ ମୋର ଯତ୍ନ ନେଉଛି ଏବଂ ସୁରକ୍ଷିତ ଅଛି । ତୁମ ସମସ୍ତଙ୍କୁ ବହୁତ ସାରା ଭଲ ପାଇବା ।