ମୁମ୍ବାଇ: ବଲିଉଡ ଅଭିନେତ୍ରୀ ଗଙ୍ଗୁବାଇ ଫିଲ୍ମ ସୁଟିଂ ଶେଷ କରି ରଣବୀର କପୁରଙ୍କ ପରିବାର ସହିତ ନଜର ଆସିଛନ୍ତି । ସେ ନିଜ ଇନଷ୍ଟାଗ୍ରାମରେ ରଣବୀରଙ୍କ ପରିବାର ସହିତ ଫଟୋ ସେୟାର କରି ' ଫ୍ୟାମ-ଜାମ' ଲେଖି ପୋଷ୍ଟ କରିଛନ୍ତି । ଏହି ଫଟୋରେ ଆଲିଆଙ୍କ ସହିତ ନୀତୁ କପୁର, ଭଉଣୀ ରିଧିମା କପୁର, ଭାଣିଜୀ ସମାଇରା ଓ ରଣବୀର ରହିଛନ୍ତି ।
ରଣବୀରଙ୍କ ଭଉଣୀ ରିଧିମା ନିଜ ଇନଷ୍ଟାଗ୍ରାମର ଆକାଉଣ୍ଟର ଷ୍ଟୋରିରେ ଆଲିଆଙ୍କ ସହିତ 2ଟି ଫଟୋ ସେୟାର କରିଛନ୍ତି । ଯେଉଁଥିରେ ଆଲିଆ ରିଧିମା, ନୀତୁ ଓ ସମାଇରାଙ୍କ ସହିତ ପୋଜ ଦେଉଥିବାବେଳେ ଅନ୍ୟ ଫଟୋରେ ରଣବୀର ସମସ୍ତଙ୍କ ସହିତ ରହିଛନ୍ତି । ତେବେ ଆଲିଆ ଓ ରଣବୀରଙ୍କ ଏହି ଫଟୋ ଖୁବ ଭାଇରାଲ ହେବାରେ ଲାଗିଛି । ଇଣ୍ଟରନେଟରେ ଏହି ଫଟୋ ବହୁଳ ଭାବରେ ସେୟାର ହେଉଥିବା ଦେଖିବାକୁ ମିଳିଛି ।