ହାଇଦ୍ରାବାଦ: ବଲିଉଡର ଦୁଇ ଦୁଇଟି ଫିଲ୍ମକୁ ପଛରେ ପକେଇଛି ହଲିଉଡର ‘ଆଲ୍ଲାଦିନ’ । ବଲିଉଡରେ ରିଲିଜ ହୋଇଥିବା ଫିଲ୍ମ ‘ଇଣ୍ଡିଆଜ ମୋଷ୍ଟ ୱାଣ୍ଟେଡ’ ଓ ‘ପିଏମ ନରେନ୍ଦ୍ର ମୋଦି’କୁ ଟକ୍କର ଦେଇ ଆଗକୁ ବଢିଛି ହଲିଉଡ ଫିଲ୍ମ ‘ଆଲ୍ଲାଦିନ’ ।
ବଲିଉଡକୁ ପଛରେ ପକାଇଲା ହଲିଉଡ
ଏବେବି ଦର୍ଶକ ପରୀକଥା ପସନ୍ଦ କରୁଥିବାର ଦେଖିବାକୁ ମିଳିଛି । ବଲିଉଡର ସ୍ପାଏ, ବାୟୋପିକର ଚାହିଦା କମ ଓ ଡିଜନିର ଆଲ୍ଲାଦିନର ଚାହିଦା ବେଶୀ ଦେଖିବାକୁ ମିଳିଛି ।
ଡିଜାଇନ ଫଟୋ
ଅର୍ଜୁନ କପୁର ଅଭିନିତ ସ୍ପାଏ ଫିଲ୍ମ ‘ଇଣ୍ଡିଆଜ ମୋଷ୍ଟ ୱାଣ୍ଟେଡ’ ପ୍ରଥମ ଦୁଇ ଦିନରେ 5 କୋଟିର ବ୍ୟବସାୟ କରିଛି । ତେବେ ଫିଲ୍ମର ପ୍ରତିଯୋଗିତାରେ ସାମିଲ ହୋଇଥିଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ । ‘ପିଏମ ନରେନ୍ଦ୍ର ମୋଦି’ ଦୁଇଦିନରେ ମାତ୍ର 3 କୋଟିର ବ୍ୟବସାୟ କରିପାରିଥିଲା ।
ମାତ୍ର ବକ୍ସ ଅଫିସରେ ଏଣ୍ଟ୍ରି ମାରିଥିଲା ୱିଲ ସ୍ମିଥଙ୍କ ‘ଆଲ୍ଲାଦିନ’ । ଆଲ୍ଲାଦିନ ଦୁଇଦିନରେ ପ୍ରାୟ 10 କୋଟିର ବ୍ୟବସାୟ କରିଛି । ତେବେ ଫିଲ୍ମରେ ୱିଲ ସ୍ମିଥଙ୍କୁ ଆଲ୍ଲାଦିନ ଭୂମିକାରେ ଦେଖିବାକୁ ମିଳିଛି । ଦର୍ଶକଙ୍କ ଭିତରେ ଆଲ୍ଲାଦିନକୁ ନେଇ ମିଶ୍ରିତ ପ୍ରତିକ୍ରିୟା ଆସିଛି ।