ନୂଆଦିଲ୍ଲୀ: ଆଜି ତେଲୁଗୁ ଅଭିନେତା ତଥା 'ବାହୁବଲୀ' ଫେମ ରାଣା ଡଗଗୁବତୀ ତାଙ୍କ ଗର୍ଲଫ୍ରେଣ୍ଡ ମିହିକା ବଜାଜଙ୍କ ସହିତ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଏହି ବିଶେଷ ଦିନରେ ବହୁ ବଲିଉଡ ଏବଂ ଟଲିଉଡ ସେଲିବ୍ରିଟିମାନଙ୍କ ସହିତ ପ୍ରଂଶସକମାନେ ମଧ୍ୟ ତାଙ୍କୁ ସୋସିଆଲ ମିଡିଆ ମାଧ୍ୟମରେ ଶୁଭେଚ୍ଛା ଜଣାଉଛନ୍ତି ।
ଏହି ଅବସରରେ ଅଭିନେତା ଅକ୍ଷୟ କୁମାର ଟ୍ୱିଟରରେ ଏକ ପୋଷ୍ଟ ଲେଖି ଏହି ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି ।
ଟ୍ୱିଟରରେ ରାଣାଙ୍କ ଏକ ସୁନ୍ଦର ପୋଷ୍ଟରରେ ମଜାଳିଆ କମେଣ୍ଟ କରି ଅକ୍ଷୟ ଲେଖିଛନ୍ତି, ସ୍ଥାୟୀ ଭାବରେ ଲକଡାଉନ୍ ହେବାର ଉପଯୁକ୍ତ ଉପାୟ । ଅଭିନନ୍ଦନ ଡଗଗୁବତୀ । ଉଭୟଙ୍କୁ ଆଜୀବନ ସୁଖ କାମନା କରୁଛି ।