ନୂଆଦିଲ୍ଲୀ: ଲୋକପ୍ରିୟ ନିର୍ମାତା ସଞ୍ଜୟ ଲୀଲା ଭଂସାଲୀଙ୍କ ଆଗାମୀ ଫିଲ୍ମ ‘ଗଙ୍ଗୁବାଇ କାଠିଆୱାଡି’ରେ ନଜର ଆସିବେ ବଲିଉଡ ସିଙ୍ଘମ ଅଜୟ ଦେବଗନ୍ । ଯାହାକୁ ନେଇ ଦୀର୍ଘ ସମୟରୁ ଚର୍ଚ୍ଚା ।
‘ଗଙ୍ଗୁବାଇ କାଠିଆୱାଡି’ରେ ଅଣ୍ଡରୱାର୍ଲ୍ଡ ଡନ୍ ସାଜିବେ ଅଜୟ ଦେବଗନ୍ ! ସଞ୍ଜୟ ଲୀଲା ଭଂସାଲୀଙ୍କ ଫିଲ୍ମ ହମ୍ ଦିଲ୍ ଦେ ଚୁକେ ସନମ୍ ରେ ଅଜୟଙ୍କ ଧମାକାଦାର ଅଭିନୟ ଫ୍ୟାନ୍ସଙ୍କ ହୃଦୟ ଜିତିଥିଲା । ଯାହାପରେ ସଞ୍ଜୟ ପ୍ରଥମେ ଅଜୟଙ୍କୁ ବାଜିରାଓ ମସ୍ତାନୀ ରେ କାମ କରିବାକୁ ଅଫର୍ ଦେଇଥିଲେ । କିନ୍ତୁ ଫିଲ୍ମ ତାନାଜୀ କାରଣରୁ ଅଜୟ ସେ ଫିଲ୍ମ କରିବାକୁ ମନା କରିଦେଇଥିଲେ ।
ଆଉ ଏବେ ପୁଣି ଥରେ ଅଜୟ ଏବଂ ଭଂସାଲୀ ଏକାଠି ହେଉଛନ୍ତି । ‘ଗଙ୍ଗୁବାଇ କାଠିଆୱାଡି’ ପାଇଁ ଅଜୟ ଏବଂ ଭଂସାଲୀ ପୁଣି ଥରେ ଏକାଠି ହେଉଛନ୍ତି ।
ଖବର ଅନୁଯାୟୀ, ‘ଗଙ୍ଗୁବାଇ କାଠିଆୱାଡି’ରେ ଅଜୟ ଏକ ରିଅଲ୍ ଲାଇଫ୍ ଅଣ୍ଡରୱାର୍ଲ୍ଡ ଡନ୍ ଭୂମିକାରେ ଅଭିନୟ କରିବେ । କୁହାଯାଉଛି ଯେ ଏହି ଚଳଚ୍ଚିତ୍ରରେ ଅଜୟଙ୍କ ଭୂମିକା “ଛୋଟ କିନ୍ତୁ ବହୁତ ଦମଦାର” ହେବ । ଏହି ଫିଲ୍ମରେ ଆଲିଆ ଭଟ୍ଟ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ ।
