22 ବର୍ଷ ପରେ ସଞ୍ଜୟଙ୍କ ଫିଲ୍ମରେ କାମ କରିବେ ଅଜୟ

ଅଜୟ ଦେବଗନଙ୍କୁ ନେଇ ନୂଆ ଚର୍ଚ୍ଚା । ଆଲିୟାଙ୍କ ଆଗାମୀ ଫିଲ୍ମ ‘ଗଙ୍ଗୁବାଇ କାଠିଆୱାଡି’ରେ ଆସିବେ ନଜର । ଭିଲେନ ସାଜି ଦର୍ଶକଙ୍କୁ ଡରାଇବେ ଅଭିନେତା । ଅଧିକ ପଢନ୍ତୁ...

ମୁମ୍ବାଇ: ନିକଟରେ ଫେମସ ନିର୍ମାତା, ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀଙ୍କ ଜନ୍ମଦିନରେ ରିଲିଜ ହୋଇଥିଲା ତାଙ୍କ ବହୁ ପ୍ରତିକ୍ଷିତ ଫିଲ୍ମ ‘ଗଙ୍ଗୁବାଇ କାଠିଆୱାଡି’ର ଦମଦାର ଟିଜର । ଯେଉଁଥିରେ କ୍ୟୁଟ ଅଭିନେତ୍ରୀ ଆଲିୟା ଭଟ୍ଟଙ୍କ ଭିନ୍ନ ଅନ୍ଦାଜ ଦେଖିବାକୁ ମିଳିଥିଲା । ସେହିପରି ଏହି ଫିଲ୍ମରେ ବି-ଟାଉନର ସିଂଘମ ଅଜୟ ଦେବଗନ ମଧ୍ୟ ନଜର ଆସିବେ । ଆଉ ଶନିବାରଠୁ ଆରମ୍ଭ କରିବେ ଫିଲ୍ମର ସୁଟିଂ ।

ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟ କରି ଅଜୟଙ୍କ ସୁଟିଂ ବିଷୟରେ ସୂଚନା ଦେଇଛନ୍ତି । ସେ ଶୁକ୍ରବାର ଅଜୟଙ୍କ ଏକ ଫଟୋ ସେୟାର କରି ଲେଖିଥିଲେ, ‘କନଫର୍ମ । ଅଜୟ ଦେବଗନ ଆସନ୍ତା କାଲି ଆରମ୍ଭ କରିବେ ‘ଗଙ୍ଗୁବାଇ କାଠିଆୱାଡି’ର ସୁଟିଂ । 22 ବର୍ଷ ପରେ ସଞ୍ଜୟଙ୍କ ସହ କାମ କରିବାକୁ ଯାଉଛନ୍ତି ଅଜୟ ।’

ସେହିପରି ଫିଲ୍ମରେ ଦେଖିବାକୁ ମିଳିବ ଅଜୟଙ୍କ ଭିଲେନ ଅବତାର । ଆଉ ପାଖାପାଖି 22 ବର୍ଷ ପରେ ସଞ୍ଜୟଙ୍କ ଫିଲ୍ମରେ ସେ ଅଭିନୟ କରୁଛନ୍ତି । ଯାହାକୁ ନେଇ ଏକ୍ସାଇଟେଡ ଦର୍ଶକ । ଏହି ଯୋଡି ରୋମାଣ୍ଟିକ ଡ୍ରାମା ଫିଲ୍ମ ‘ହମ୍ ଦିଲ୍ ଦେ ଚୁକେ ସନମ’ରେ ଏକାଠି କାମ କରିଥିଲେ । ଯେଉଁଥିରେ ଅଜୟଙ୍କ ବ୍ୟତୀତ ସୁପରଷ୍ଟାର ସଲମାନ ଖାନ ଓ ଐଶ୍ଚର୍ଯ୍ୟା ରାୟ ବଚ୍ଚନ ନଜର ଆସିଥିଲେ ।

ପ୍ରକାଶ ଥାଉକି ନିକଟରେ ଟିଜର ସହ ଫିଲ୍ମର ପୋଷ୍ଟର ମଧ୍ୟ ରିଲିଜ କରାଯାଇଥିଲା । ଯାହାର ଜରିଆରେ ଫିଲ୍ମର ରିଲିଜ ତାରିଖ ଘୋଷଣା କରିଥିଲେ ମେକର୍ସ । ଏବର୍ଷ ଜୁଲାଇ 30ରେ ରିଲିଜ ହେବ ଫିଲ୍ମ ।