ମୁମ୍ବାଇ: ଅଗଷ୍ଟ 8ରେ ରିଲିଜ ହୋଇଯାଇଛି ସାଉଥ ସୁପରଷ୍ଟାର ଅଜିତଙ୍କ ଫିଲ୍ମ ‘ନେରକୋଣ୍ଡା ପରବାଈ’ । ଫିଲ୍ମ ଦର୍ଶକଙ୍କ ମନ କିଣିବାରେ ସଫଳ ହୋଇଛି । ଏହି ଫିଲ୍ମର ପ୍ରଯୋଜନା କରିଥିଲେ ନିର୍ମାତା ବୋନି କପୁର । ଫିଲ୍ମଟି ଅମିତାଭ ବଚ୍ଚନ ଓ ତାପସୀ ପନ୍ନୁଙ୍କ ଅଭିନୀତ ଫିଲ୍ମ ‘ପିଙ୍କ’ର ତାମିଲ ରିମେକ ।
ଏବେ ଶୁଣିବାକୁ ମିଳୁଛି ଯେ ତାଙ୍କ ଆଗାମୀ ଫିଲ୍ମରେ ନଜର ଆସିବେ ବଲିଉଡ ସିଂଘମ ଅଜୟ ଦେବଗନ । ଅଜିତଙ୍କ 60ତମ ଫିଲ୍ମର ପ୍ରି-ପ୍ରଡକ୍ସନର କାମ ବର୍ତ୍ତମାନ ଚାଲିଛି । ଫିଲ୍ମର ଟାଇଟଲ ‘ଥାଲା 60’ କିମ୍ବା ‘ଅଜିତ 60’ ରଖାଯିବ ବୋଲି ଚର୍ଚ୍ଚା ଧରିଛି ।