କାଜୋଲଙ୍କ ଉପରେ ଗର୍ବିତ ଅଜୟ, ଭାଇରାଲ ‘ଦେବୀ’ ପୋଷ୍ଟର

ଫିଲ୍ମ ପରେ ଏବେ ସଟ ଫିଲ୍ମରେ ଅଭିନୟ କରିବାକୁ ଯାଉଛନ୍ତି ସିଂଘମଙ୍କ ପତ୍ନୀ ତଥା ଫେମସ ଅଭିନେତ୍ରୀ କାଜୋଲ। ଦେବୀ ଫିଲ୍ମରେ ଆସିବେ ନଜର। ଜାରି ହୋଇଯାଇଛି ଫିଲ୍ମ ଫୋଷ୍ଟର।

ମୁମ୍ବାଇ: ଲୋକପ୍ରିୟ ଅଭିନେତ୍ରୀ କାଜୋଲ ଖୁବଶୀଘ୍ର ସଟ ଫିଲ୍ମ ‘ଦେବୀ’ରେ ନଜର ଆସିବେ । ଫିଲ୍ମରେ କାଜୋଲଙ୍କ ସହ ସୃତି ହସନ, ନେହା ଧୂପିଆ, ନୀନୀ କୁଲକର୍ଣ୍ଣୀ, ଯଶାସ୍ବିନୀ ଦୟାମା ସହ ଅନେକ ଅଭିନେତ୍ରୀ ଅଭିନୟ କରୁଛନ୍ତି। ଏହି ଫିଲ୍ମ ଏକ ସମ୍ବେଦନଶୀଳ ବିଷୟବସ୍ତୁକୁ ନେଇ ଆଧାରିତ । ଗୁରୁବାର କାଜୋଲ ଫିଲ୍ମର ଫାଷ୍ଟଲୁକ ପୋଷ୍ଟର ସୋସିଆଲ ମିଡିଆରେ ସେୟାର କରିଥିଲେ। ସେପଟେ ତାଙ୍କ ସ୍ବାମୀ ତଥା ସୁପରଷ୍ଟାର ଅଜୟ ଦେବଗନ ଫିଲ୍ମକୁ ନେଇ ଖୁବ୍ ଉତ୍ସାହିତ। ସେ ମଧ୍ୟ ପୋଷ୍ଟର ସେୟାର କରି ପତ୍ନୀଙ୍କ ଖୁବ୍ ପ୍ରଶଂସା କରିଛନ୍ତି।

ପୋଷ୍ଟରର କ୍ୟାପସନରେ ଅଜୟ ଲେଖିଛନ୍ତି, ‘ମହିଳା ସଶକ୍ତିକରଣ ମୋ ପାଇଁ କୌଣସି ଷ୍ଟେଟମେଣ୍ଟ ନୁହେଁ । ଏହା ଜୀବନ ବଞ୍ଚିବାର ଉପାୟ । ମୁଁ ବହୁତ ଗର୍ବିତ ଅନୁଭବ କରୁଛି ଯେ କାଜୋଲ ଦେବୀ ଫିଲ୍ମରେ ଅଭିନୟ କରୁଛନ୍ତି । ଏହି ସମ୍ବେଦନଶୀଳ ଫିଲ୍ମ ସଠିକ୍ ଦିଗରେ ଯାଉଛି।’

ପ୍ରକାଶ ଥାଉକି ଏହି ସଟ ଫିଲ୍ମରେ ବିଭିନ୍ନ କ୍ଷେତ୍ରରୁ ଆସିଥିବା ମହିଳାଙ୍କ ଶୋଷଣ କାହାକୁ ନେଇ ଆଧାରିତ। ଏହାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ପ୍ରିୟଙ୍କା ବାନାର୍ଜୀ। ସେ ହିଁ ଫିଲ୍ମର କାହାଣୀ ମଧ୍ୟ ଲେଖିଛନ୍ତି । ସେହିପରି ଫିଲ୍ମର ପ୍ରଯୋଜନା କରିଛନ୍ତି ରୟାନ ଷ୍ଟେଫନ ଓ ନିରଞ୍ଜନ ଆୟଙ୍ଗର।