ହାଇଦ୍ରାବାଦ: ବ୍ରିଟିଶ ଆଡଭେଞ୍ଚରର ବେୟର ଗ୍ରିଲ୍ସଙ୍କ ସହ ଦୁଃସାହସିକ ଚ୍ୟାଲେଞ୍ଜ ନେବାରେ ନଜର ଆସିଲେ ବଲିଉଡ଼ ସିଘଂମ ଅଜୟ ଦେବଗନ । ସେ 'ଇନ ଟୁ ଦି ୱାଇଲ୍ଡ ୱିଥ ବେୟର ଗ୍ରିଲ୍ସ' ଶୋ'ରେ ବେୟରଙ୍କ ସହିତ ସମୁଦ୍ର ଭିତରେ ୱାଟର ଆଡଭେଞ୍ଚର କରୁଥିବାର ଦେଖିବାକୁ ମିଳିଛି । ଯାହାର ଟିଜର ଆଜି(ମଙ୍ଗଳବାର) ରିଲିଜ ହୋଇଥିବାବେଳେ ଏହା କୌଣସି ଖେଳ ନୁହେଁ ବୋଲି କହିଛନ୍ତି ଦେବଗନ ।
ଦେବଗନ ବେୟରଙ୍କ ଏହି ଶୋ'ରେ ନଜର ଆସିବେ ବୋଲି ପୂର୍ବରୁ ସେପ୍ଟେମ୍ବର ୧୨ ତାରିଖରେ ଘୋଷଣା କରାଯାଇଥିଲା । ଏହାର ଟିଜର ଆଜି ରିଲିଜ ହୋଇଥିବା ବେଳେ ପ୍ରିମିଅର ଆସନ୍ତା ଅକ୍ଟୋବର ୨୨ ତାରିଖରେ Discovery+ ରେ ସକାଳ ୬ଟାର ପ୍ରସାରିତ ହେବ । ସୁଟିଂ ସମୟରେ ନିଜ ଅନୁଭବ ସମ୍ପର୍କରେ ସେୟାର କରି ଅଜୟ ଦେବଗନ କହିଛନ୍ତି ଯେ ସେ ଏହି ଆଡଭେଞ୍ଚର ଶୋ' କରି ନିଜକୁ ଭାଗ୍ୟବାନ ଭାବୁଛନ୍ତି । ପ୍ରଥମ ଥର ପାଇଁ ସେ ଜଙ୍ଗଲରେ ରାତି ବିତାଇଛନ୍ତି, ଯାହାକି କୌଣସି ପିଲା ଖେଳ ନୁହେଁ ବୋଲି ସେ କହିଛନ୍ତି ।