ହାଇଦ୍ରାବାଦ:ଅଜୟ ଦେବଗନ ଷ୍ଟାରର ଦୃଶ୍ୟମ୍ 2 ସୁଟିଂ ମୁମ୍ବାଇରେ ଆରମ୍ଭ ହୋଇଛି । ଆସନ୍ତା କିଛି ମାସ ମଧ୍ୟରେ ଗୋଆରେ ଏହାର ସୁଟିଂ କରାଯିବ। 2015 ମସିହାରେ ମୁକ୍ତିଲାଭ କରିଥିବା ଅଜୟ ଦେବଗନଙ୍କ ଥ୍ରୀଲର 'ଦୃଶ୍ୟମ୍' ଦର୍ଶକଙ୍କ ବହୁତ ପସନ୍ଦ କରିଥିଲେ| ଏହି ଚଳଚ୍ଚିତ୍ରଟି 2013 ରେ ମୁକ୍ତିଲାଭ କରିଥିବା ମୋହନଲାଲଙ୍କ ମାଲାୟାଲମ୍ ଚଳଚ୍ଚିତ୍ରର ଏକ ହିନ୍ଦୀ ରିମେକ୍ ଥିଲା । ଏବେ ଅଜୟ ଦୃଶ୍ୟମ୍ 2 ପାଇଁ ସୁଟିଂ ଆରମ୍ଭ କରିଛନ୍ତି। ଅଭିନେତା ସୋସିଆଲ ମିଡିଆରେ ତାଙ୍କ ସହ-ଅଭିନେତ୍ରୀ ଶ୍ରୀୟା ସରନ ଏବଂ ଚଳଚ୍ଚିତ୍ର ନିର୍ମାତା ଅଭିଷେକ ପାଠକଙ୍କ ସହ ଏକ ଫଟୋ ସେୟାର କରିଛନ୍ତି।
ଅଜୟ ଦେବଗନ୍ ଖୁବ୍ ଶୀଘ୍ର ଡିସ୍ନି ପ୍ଲସ୍ ହଟଷ୍ଟାରର ରୁଦ୍ରରେ ନଜର ଆସିବେ । ଅଭିନେତା ବର୍ତ୍ତମାନ ବହୁ ପ୍ରତୀକ୍ଷିତ ଚଳଚ୍ଚିତ୍ର ଦୃଶ୍ୟମ୍ 2 ର ସୁଟିଂ ଆରମ୍ଭ କରିଛନ୍ତି । ସେଟରୁ ଏକ ଫଟୋ ସେୟାର କରି ଅଜୟ ଲେଖିଛନ୍ତି, "କଣ ବିଜୟ ପୁଣିଥରେ ତାଙ୍କ ପରିବାରକୁ ସୁରକ୍ଷା ଦେଇ ପାରିବେ ? ଦ୍ଦୃଶ୍ୟମ୍ 2 ପାଇଁ ସୁଟିଂ ଆରମ୍ଭ ହୋଇଛି।"