ହାଇଦ୍ରାବାଦ: ବଲିଉଡ ତାରକା ଅଜୟ ଦେବଗନଙ୍କ ଆଗାମୀ ଫିଲ୍ମ ମଇଦାନର ଘୁଞ୍ଚିଲା ରିଲିଜ ତାରିଖ । ଅଗଷ୍ଟ 13, 2021 ରେ ମୁକ୍ତିଲାଭ କରିବା ପାଇଁ ଥିବା ଏହି ଚଳଚ୍ଚିତ୍ର ବର୍ତ୍ତମାନ ଅକ୍ଟୋବର 15, 2021ରେ ବଡ ପରଦାରେ ଆସିବ ।
ଶନିବାର ଅଭିନେତା-ନିର୍ଦ୍ଦେଶକ ଅଜୟ ଦେବଗନ୍ ଘୋଷଣା କରିଛନ୍ତି ଯେ, ତାଙ୍କର ଆଗାମୀ ଚଳଚ୍ଚିତ୍ର ମଇଦାନ 2021 ମସିହା ଅକ୍ଟୋବର 15ରେ ଦଶହରା ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
ମଇଦାନ “ଗୋଲଡେନ ଇୟର ଅଫ ଇଣ୍ତିୟାନ ଫୁଟବଲ” ଉପରେ ଆଧାରିତ । ଏହି ଚଳଚ୍ଚିତ୍ରରେ ଅଜୟଙ୍କ ଚରିତ୍ର କିମ୍ବଦନ୍ତୀ କୋଚ ସେୟଦ ଅବଦୁଲ ରହୀମଙ୍କ ଉପରେ ଆଧାରିତ ବୋଲି କୁହାଯାଉଛି, ଯିଏକି ଭାରତୀୟ ଫୁଟବଲର ପ୍ରତିଷ୍ଠାତା ପିତା ଭାବରେ ବିବେଚିତ ।