ମୁମ୍ବାଇ: ବି-ଟାଉନର କୁଇନ କଙ୍ଗନା ରଣାୱତ ଓ ରାଜକୁମାର ରାଓଙ୍କ ଅଭିନୀତ ଫିଲ୍ମ 'ମେଣ୍ଟାଲ ହେ କ୍ୟା' ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଖୁବ୍ ଉତ୍ସାହ ଦେଖିବାକୁ ମିଳୁଛି । କାରଣ ସମସ୍ତେ ଫିଲ୍ମ ଟାଇଟଲକୁ ନେଇ ଜାଣିବାକୁ ଚାହୁଁଛନ୍ତି ଫିଲ୍ମର କାହାଣୀ ।
ଫିଲ୍ମର ଝଲକ ଦେଖିବାକୁ ଫ୍ୟାନ୍ସ ଦୀର୍ଘ ସମୟରୁ ଅପେକ୍ଷା କରିବସିଛନ୍ତି । ଇତିମଧ୍ୟରେ ଫ୍ୟାନ୍ସଙ୍କ ପାଇଁ ଏକ ଖୁସି ଖବର ସାମ୍ନାକୁ ଆସିଛି । ଆଜ୍ଞା ହଁ, 'ମେଣ୍ଟାଲ ହେ କ୍ୟା'ର ଟ୍ରେଲର ଖୁବ୍ ଶୀଘ୍ର ରିଲିଜ ହେବାକୁ ଯାଉଛି ।
ଟ୍ରେଲର ପୂର୍ବରୁ ଫ୍ୟାନ୍ସଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ମେକର୍ସ ଜାରି କରିଛନ୍ତି ଫିଲ୍ମର ଥ୍ରୀଲର ମୋଶନ ପୋଷ୍ଟର । ଏହି ଅବସରରେ ରାଜକୁମାର ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ମୋଶନ ପୋଷ୍ଟର ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି ।
17 ସେକେଣ୍ଡର ଏହି ମୋଶନ ପୋଷ୍ଟରରେ ପ୍ରଥମେ ଦେଖିବାକୁ ମିଳୁଛି ଯେ ରାଜକୁମାର ସେଗାରେଟ ଟାଣୁଥିବାର ଏବଂ କଙ୍ଗନା ତାଙ୍କ ପାଖରେ ବସି ଗୋଟିଏ ପୋଡା ମାଛକୁ ଧରିଛନ୍ତି । ଠିକ୍ ଏତିକି ବେଳେ ତାଙ୍କ ପାଖରେ ଥିବା ସବୁ ଜିନିଷରେ ହଠାତ୍ ନିଆଁ ଲାଗିଯାଇଛି । ପରେ ଫିଲ୍ମର ଟାଇଟଲ ସାମ୍ନାକୁ ଆସିବା ସହ ଖୁବ୍ ଶୀଘ୍ର ଟ୍ରେଲର ରିଲିଜ ହେବ ବୋଲି ଲେଖା ହୋଇଥିବାର ନଜର ଆସୁଛି ।