ମୁମ୍ବାଇ: ସୁଶାନ୍ତ ସିଂ ମୃତ୍ୟୁ ମାମଲାର ସସପେନ୍ସ ବଢିଚାଲିଛି। ସିବିଆଇ ତଦନ୍ତ ଚାଲିଥିବା ବେଳେ ଏଥିରେ ଏଣ୍ଟ୍ରି ମାରିଛି ଏନସିବି( ନାର୍କୋଟିକ୍ କଣ୍ଟ୍ରୋଲ ବ୍ୟୁରୋ)। ତେବେ ଶୁକ୍ରବାର ସକାଳ 6:30 ରେ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋର ଏକ ପାଞ୍ଚ ଜଣିଆ ଟିମ୍ ରିୟାଙ୍କ ବାସଭବନ ସମେତ ମିରାଣ୍ଡାଙ୍କ ଘରେ ଚଢାଉ ଜାରି ରଖିଥିଲେ।
ସଦ୍ୟତମ ସୂଚନା ଅନୁଯାୟୀ, ବର୍ତ୍ତମାନ ଚଢାଉ ଶେଷ ହୋଇଥିବା ବେଳେ ଏନସିବି ଟିମ୍ ସାମୁଏଲ ମିରାଣ୍ଡା ଓ ରିୟାଙ୍କ ଭାଇ ସୌଭିକଙ୍କୁ ପଚରାଉଚରା ପାଇଁ ରିମାଣ୍ଡରେ ନେଇଛନ୍ତି। ସୁଶାନ୍ତ ସିଂ ରାଜପୁତ୍ ମୃତ୍ୟୁ ମାମଲାରେ ଟ୍ବିଷ୍ଟ ପରେ ଟ୍ବିଷ୍ଟ। ଘଟଣା ଦିନକୁ ଦିନ ଭିନ୍ନ ମୋଡ ଦେଇ ଗତି କରୁଥିବା ବେଳେ ତଦନ୍ତକୁ ଆଗେଇ ନେଇଛି ସିବିଆଇ। ରିୟାଙ୍କ ଡ୍ରଗ୍ସ ଲିଙ୍କ ବାହାରକୁ ଆସିବା ପରେ ଏହି ପ୍ରକ୍ରିୟାରେ ଏବେ ଏନସିବି( ନାର୍କୋଟିକ୍ କଣ୍ଟ୍ରୋଲ ବ୍ୟୁରୋ) ମଧ୍ୟ ସାମିଲ ହୋଇଛି।