ମୁମ୍ବାଇ: ଏବେ ଚର୍ଚ୍ଚାରେ ବଲିଉଡ ଅଭିନେତା ସନ୍ନି ଦେଓଲଙ୍କ ସାନପୁଅ ରାଜବୀର ଦେଓଲ । କରଣ ଦେଓଲଙ୍କ ପରେ ଦେଓଲ ପରିବାରର ଅନ୍ୟ ଜଣେ ସଦସ୍ୟ ବଲିଉଡରେ ଏଣ୍ଟ୍ରି କରିବାକୁ ପ୍ରସ୍ତୁତ ଅଛନ୍ତି । ସନ୍ନି ଦେଓଲଙ୍କ ସାନପୁଅ ରାଜବୀର ଦେଓଲ ତାଙ୍କ ବଲିଉଡ ଡେବ୍ୟୁ ପାଇଁ ପ୍ରସ୍ତୁତ ହେଉଛନ୍ତି ।
ରାଜବୀର ରାଜଶ୍ରୀ ପ୍ରଡକ୍ସନ୍ସର ଆଗାମୀ ପ୍ରେମ କାହାଣୀ ସହିତ ବଲିଉଡରେ ଡେବ୍ୟୁ କରିବେ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ସୂରଜ ବଡଜାତ୍ୟାଙ୍କ ପୁଅ ଅବନୀଶ ବଡଜାତ୍ୟା ।
ବଲିଉଡର ଭେଟେରାନ ଅଭିନେତା ତଥା ରାଜବୀରଙ୍କ ଦାଦା ଧର୍ମେନ୍ଦ୍ର ବୁଧବାର ଟ୍ବିଟ୍ କରି ଏ ବିଷୟରେ ସୂଚନା ଦେଇଛନ୍ତି ।
ଧର୍ମେନ୍ଦ୍ର ଟୁଇଟ୍ କରି କହିଛନ୍ତି, 'ଅବନୀଶ ବଡଜାତ୍ୟାଙ୍କ ନିର୍ଦ୍ଦେଶନାରେ ଡେବ୍ୟୁ କରିବେ ମୋର ନାତି ରାଜବୀର ଦେଓଲ । ମୁଁ ତୁମ ସମସ୍ତଙ୍କୁ ନମ୍ରତାର ସହିତ ଅନୁରୋଧ କରୁଛି ଯେ ମୋ ପରି ଉଭୟ ପିଲାଙ୍କ ସହିତ ସମାନ ଭଲପାଇବା ଏବଂ ସ୍ନେହ ଭରିଦିଏ ।
ବବି ଦେଓଲ ମଧ୍ୟ ଟ୍ବିଟ୍ କରି କହିଛନ୍ତି, 'ସେ ତାଙ୍କ ସ୍ବପ୍ନକୁ ସାକାର କରିବାକୁ ବାଟରେ ଅଛନ୍ତି । ତାଙ୍କର ଏକ ସୁନ୍ଦର ଯାତ୍ରାକୁ ଅପେକ୍ଷା କରାଯାଇଛି' ।
ପ୍ରକାଶ ଥାଉ କି, ତେବେ ଏହି ଫିଲ୍ମରେ କିଏ ଅଭିନେତ୍ରୀଙ୍କ ଭୂମିକାରେ ନଜର ଆସିବେ ଜଣାପଡୁନାହିଁ । ତେବେ ଏହି ଚଳଚ୍ଚିତ୍ର 2022 ରେ ମୁକ୍ତିଲାଭ କରିବ ବୋଲି ଆଶା କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
