ମୁମ୍ବାଇ: ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀ କିଛି ଦିନ ହେବ ସୋସିଆଲ ମିଡିଆରେ ଚର୍ଚ୍ଚାର ବିଷୟ ସାଜିଛନ୍ତି। ସେ ସୋସିଆଲ ମିଡିଆରେ ରହିବାର ପଛରେ ଅନେକ କାରଣ ଅଛି। ଏହି କ୍ରମରେ ତାଙ୍କ ଆଗାମୀ ଫିଲ୍ମ ‘ସୂର୍ଯ୍ୟବଂଶୀ’ ଆଉ କ୍ୟାଟ୍ରିନା କୈଫଙ୍କ ଉପରେ ଦେଇଥିବା ବାୟନ ସାମିଲ ଅଛି। କଥାଟି ହେଲା ଯେ ରୋହିତ ନିକଟରେ ଫିଲ୍ମ ପ୍ରମୋଶନ ସମୟରେ କ୍ୟାଟଙ୍କ ଉପରେ ବଡ ବୟାନ ଦେଇଥିଲେ। ଯାହାପରେ ତାଙ୍କ ଉପରେ କ୍ରୋଧିତ ହୋଇ ସୋସିଆଲ ମିଡିଆରେ ଅନେକ ଫ୍ୟାନ୍ସ ‘#ShameOnRohitShetty’ ଟ୍ରେଣ୍ଡ କରାଇଥିଲେ।
କ୍ୟାଟଙ୍କ ଉପରେ ଅସନ୍ତୋଷ ରୋହିତ, କଲେ ଅନଫଲୋ - ‘#ShameOnRohitShetty’ ଟ୍ରେଣ୍ଡ
ଆକ୍ସନ ଫିଲ୍ମ ‘ସୂର୍ଯ୍ୟବଂଶୀ’ ଦେଖିବାକୁ ବ୍ୟାକୁଳ ଦର୍ଶକ। ହେଲେ ଏବେ ଲାଗୁଛି ଫିଲ୍ମ ନିର୍ଦ୍ଦେଶକ ଓ ଅଭିନେତ୍ରୀ ମଧ୍ୟରେ କିଛି ଖାସ୍ ଚାଲିନାହିଁ। ସୋସିଆଲ ମିଡିଆରୁ କ୍ୟାଟଙ୍କୁ ହଟାଇଲେ ରୋହିତ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଫ୍ୟାନକ୍ଲବ
ରୋହିତଙ୍କ ଏହି ବୟାନ ପରେ ତାଙ୍କୁ ଟ୍ରୋଲ କରାଯିବାରୁ କ୍ୟାଟ ତାଙ୍କ ସପୋର୍ଟରେ ବାହାରିଥିଲେ। ହେଲେ ଲାଗୁଛି ଏସବୁ ଜିନିଷର କୌଣସି ପ୍ରଭାବ ରୋହିତଙ୍କ ଉପରେ ପଡିନାହିଁ। କାରଣ ସେ ନିଜ ସୋସିଆଲ ମିଡିଆରୁ କ୍ୟାଟ୍ରିନାଙ୍କୁ ଅନଫଲୋ କରିଦେଇଛନ୍ତି। ନିକଟରେ ହୋଇଥିବା କଣ୍ଟ୍ରୋଭର୍ସି ପରେ ସେ କ୍ୟାଟଙ୍କୁ ନିଜ ସୋସିଆଲ ମିଡିଆରୁ ଅନଫୋଲ କରିଛନ୍ତି ବୋଲି ଚର୍ଚ୍ଚା ଜୋର ଧରିଛି।
ପ୍ରକାଶ ଥାଉକି ‘ସୂର୍ଯ୍ୟବଂଶୀ’ ପ୍ରମୋଶନରେ ରୋହିତ ଏକ ସାକ୍ଷାତକାରରେ ଆଲୋଚନା ସମୟରେ କହିଥିଲେ ଯେ ଫିଲ୍ମରେ ଯଦି ଅକ୍ଷୟ କୁମାର, ଅଜୟ ଦେବଗନ ଓ ରଣବୀର ସିଂଙ୍କ ଭଳି ଅଭିନେତା ଅଛନ୍ତି ତେବେ କେହି ମଧ୍ୟ ଅଭିନେତ୍ରୀଙ୍କ ଉପରେ ଧ୍ୟାନ ଦେବେ ନାହିଁ । ତାଙ୍କର ଏପରି ବୟାନରେ ରାଗିଯାଇଥିଲେ କ୍ୟାଟଙ୍କ ଫ୍ୟାନ୍ସ ।