‘ଛପାକ’ ପରେ ଏବେ ଅନଲାଇନ ଲିକ ହେଲା ‘ଜୟ ମମ୍ମି ଦି’

ଗତ କାଲି ରିଲିଜ ହୋଇଯାଇଛି କମେଡି ଡ୍ରାମା ଫିଲ୍ମ ‘ଜୟ ମମ୍ମି ଦି’। ରିଲିଜର ମାତ୍ର ଗୋଟିଏ ଦିନରେ ଅନଲାଇନ ଫିଲ୍ମର କପି ଲିକ ହୋଇଛି। ବର୍ତ୍ତମାନ ଚିନ୍ତାରେ ଫିଲ୍ମ ମେକର୍ସ।

ମୁମ୍ବାଇ: ଦୀର୍ଘ ସମୟରୁ ବଲିଉଡ ଫିଲ୍ମ ଉପରେ ହ୍ୟାକର୍ସଙ୍କ ନଜର ରହିଆସୁଛି । କୌଣସି ଫିଲ୍ମ ରିଲିଜ ହେବା ମାତ୍ରରେ ଏହାର କପି ଅନଲାଇନ ମିଳିଯାଉଛି । ଗତ ସପ୍ତାହରେ ଯେଉଁଠି ଦୀପିକା ପାଦୁକୋନ ‘ଛପାକ’ ଅନଲାଇନ ଲିକ ହେବାର ଖବର ସାମ୍ନାକୁ ଆସିଥିଲା । ଯାହାକୁ ନେଇ ଚିନ୍ତିତ ନଜର ଆସିଥିଲେ ଫିଲ୍ମ ମେକର୍ସ । ଇତିମଧ୍ୟରେ ଅଭିନେତା ସନ୍ନୀ ସିଂ ଓ ସୋନାଲୀ ସେୟଗଲଙ୍କ ଅଭିନୀତ ଫିଲ୍ମ ‘ଜୟ ମମ୍ମି ଦି’ ଅନଲାଇନ ଲିକ ହୋଇଯାଇଛି ।

ଫିଲ୍ମ ରିଲିଜ ହେବାର ଗୋଟିଏ ଦିନ ପରେ ଫିଲ୍ମର କପି ଅନଲାଇନ ଲିକ ହୋଇଛି । ରିପୋର୍ଟ ଅନୁଯାୟୀ ପୁଣିଥରେ କୁଖ୍ୟାତ ହ୍ୟାକର୍ସ ତାମିଲରକର୍ସ ଏହି ଫିଲ୍ମକୁ ଅନଲାଇନ ଲିକ କରିଛି । ଲିକ କରାଇବା ପଛରେ ତାମିଲରକର୍ସ ୱେବସାଇଟ ମାଲିକର ହାତ ଅଛି।

ପ୍ରକାଶ ଥାଉକି ଏହି ଏହା ପ୍ରଥମଥର ହୋଇଯାଇଛି ଯେବେ କୌଣସି ଫିଲ୍ମ ଅନଲାଇନ ଲିକ ହୋଇଛି । ଏହାପୂର୍ବରୁ ଅନେକ ବଲିଉଡ ଫିଲ୍ମ ସହ ସାଉଥର ମଧ୍ୟ କିଛି ଫିଲ୍ମ ଲିକ ହୋଇସାରିଛି । ଶୁକ୍ରବାର ରିଲିଜ ହୋଇଥିବା ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନବଜୋତ ଗୁଲାଟି । ସନ୍ନି ଓ ସୋନାଲୀଙ୍କ ବ୍ୟତୀତ ବିଶିଷ୍ଟ ଅଭିନେତ୍ରୀ ସୁପ୍ରିୟା ପାଠକ ଓ ପୁନମ ଧୀଲ୍ଲୋନ ମଧ୍ୟ ଅଭିନୟ କରୁଥିବାର ନଜର ଆସୁଛନ୍ତି। ‘ଜୟ ମମ୍ମି ଦି’ ଫିଲ୍ମର କାହାଣୀ ସନ୍ନି ଓ ସୋନାଲୀଙ୍କ ମା'ଙ୍କ ମଧ୍ୟରେ ମତଭେଦକୁ ନେଇ ଆଧାରିତ।