ମୁମ୍ବାଇ: ବି-ଟାଉନର ହ୍ୟାଣ୍ଡସମ ଆକ୍ଟର ଆଦିତ୍ୟ ରାୟ କପୁର ଓ ଦିଶା ପଟାନୀଙ୍କ ଅଭିନୀତ ଫିଲ୍ମ ‘ମଲଙ୍ଗ’ ଗତ ଶୁକ୍ରବାର ରିଲିଜ ହୋଇଥିଲା । ଏହି ଫିଲ୍ମ ସହ ଫେମସ ନିର୍ମାତା ବିଦୁ ବିନୋଦ ଚୋପ୍ରାଙ୍କ ନିର୍ଦ୍ଦେଶିତ ଫିଲ୍ମ ‘ଶିକାରା’ ମଧ୍ୟ ରିଲିଜ ହୋଇଥିଲା । ଏହି ଫିଲ୍ମକୁ ପଛରେ ପକାଇଛି ‘ମଲଙ୍ଗ’। ଓପନିଂ ଡେରେ ଫିଲ୍ମ ‘ମଲଙ୍ଗ’ର ଜବରଦସ୍ତ ପ୍ରଦର୍ଶନ ଦେଖିବାକୁ ମିଳିଥିଲା । ୱିକେଣ୍ଡର ଗଣନା ଅନୁଯାୟୀ ଦେଖିଲେ ଏହି ଫିଲ୍ମ ଆଦିତ୍ୟଙ୍କ ଏଯାବତର ସବୁଠାରୁ ବଡ ହିଟ୍ ଫିଲ୍ମ ସାଜିଛି।
ଓପନିଂ ଡେରେ ‘ମଲଙ୍ଗ’ ପାଖାପାଖି 7 କୋଟି ଟଙ୍କା ଆୟ କରିବାରେ ସଫଳ ହୋଇଥିଲା । ସେହିପରି ୱିକେଣ୍ଡରେ ଫିଲ୍ମର ଆୟରେ ଲାଭ ଦେଖିବାକୁ ମିଳିଥିଲା । ଫିଲ୍ମ ଶନିବାର 8.89 କୋଟି କଲେକ୍ସନ କରିଥିବା ବେଳେ ରହିବାର ଫିଲ୍ମଟି 9.76 କୋଟି ଟଙ୍କା ଆୟ କରିଥିଲା ।