ମୁମ୍ବାଇ: ଖୁବଶୀଘ୍ର ପରଦାରେ ପ୍ରଥମ ଥର ଟାଇଗର ଶ୍ରଫଙ୍କ କଥିତ ଗାର୍ଲଫ୍ରେଣ୍ଡ ଦିଶା ପଟାନୀଙ୍କ ସହ ରୋମାନ୍ସ କରିବେ ହ୍ୟାଣ୍ଡସମ ଆକ୍ଟର ଆଦିତ୍ୟ ରାୟ କପୁର । ଦୁଇଜଣ ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’ରେ ନଜର ଆସିବେ । ନିକଟରେ ଦିଶା, ଆଦିତ୍ୟଙ୍କ ସହ ‘ମଲଙ୍ଗ’ ଫିଲ୍ମର ସୁଟିଂ ଶେଷ କରିଥିଲେ । ଫିଲ୍ମର ଅଧିକାଂଶ ସୁଟିଂ ଗୋଆରେ କରାଯାଇଛି । ସୁଟିଂ ସମୟରେ ଦୁଇଜଣ ଖୁବ୍ ମଜାମସ୍ତି କରୁଥିବାର ମଧ୍ୟ ନଜର ଆସିଥିଲେ । ଖାଲି ଏତିକି ନୁହେଁ ଦୁଇଜଣଙ୍କ ବାଇକ ରାଇଡ ଫଟୋ ମଧ୍ୟ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଦିଶାଙ୍କ ସହ ଆଦିତ୍ୟଙ୍କ ରୋମାଣ୍ଟିକ ବାଇକ ରାଇଡ, ଫଟୋ ଭାଇରାଲ - ସର୍ଟଲେସ ଅବତାରରେ ଆଦିତ୍ୟ ରାୟ କପୁ
କେବେ କେବେ ବଲିଉଡ ଷ୍ଟାର୍ସ କାମରୁ ଫୁରସତ ପାଇବା ମାତ୍ରେ ନିଜ ନିଜ କୋ-ଷ୍ଟାରଙ୍କ ସହ ମସ୍ତି ମଜାକ କରୁଥିବାର ନଜର ଆସନ୍ତି । ଏହି କ୍ରମରେ ବର୍ତ୍ତମାନ ସୋସିଆଲ ମିଡିଆରେ ଆଦିତ୍ୟ ରାୟ କପୁର ଓ ଦିଶା ପଟାନୀଙ୍କ ମସ୍ତିଭରା ଫଟୋ ଦେଖିବାକୁ ମିଳୁଛି ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଦିଶା ପାଟନୀ
ସବୁଠାରୁ ମଜାଦାର କଥା ହେଲା କି ଆଦିତ୍ୟ ବାଇକ ରାଇଡ ସର୍ଟଲେସ ଅବତାରରେ କରିଥିଲେ । ତାଙ୍କ ପଛରେ ବାଇକରେ ଦିଶା ମଧ୍ୟ ବସିଛନ୍ତି । ବାଇକ ରାଇଡର ଏହି ଫଟୋକୁ ନେଇ ବର୍ତ୍ତମାନ ଖୁବ୍ ଚର୍ଚ୍ଚା ଚାଲିଛି । କାରଣ ଦୁଇଜଣଙ୍କ ଏହି ଫଟୋ ଫିଲ୍ମ ସୁଟିଂ ସମୟର ନୁହେଁ । ଆପଣ ମଧ୍ୟ ଦେଖନ୍ତୁ ଏହି ଦୁଇଜଣଙ୍କ ରୋମାଣ୍ଟିକଭରା ଫଟୋ ।
ପ୍ରକାଶ ଥାଉକି ଆଦିତ୍ୟ ଓ ଦିଶାଙ୍କ ବ୍ୟତୀତ ଏହି ଫିଲ୍ମର ମିଷ୍ଟର ଝକାସ୍ ଅନୀଲ କପୁର ଓ କୁନାଲ ଖେମୁ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ସେହିପରି ଏହାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ମୋହିତ ସୁରୀ । ‘ମଲଙ୍ଗ’ ଫିଲ୍ମଟି ଏକ ରୋମାଣ୍ଟିକ ଥ୍ରୀଲର ଫିଲ୍ମ ବୋଲି ଶୁଣିବାକୁ ମିଳୁଛି । ଯାହାକୁ ଆସନ୍ତା ବର୍ଷ ଫେବୃଆରୀରେ ରିଲିଜ କରିବାର ଯୋଜନା କରିଛନ୍ତି ମେକର୍ସ ।