ମୁମ୍ବାଇ: ଷ୍ଟାରକାଷ୍ଟଙ୍କ ନାମ ସାମ୍ନାକୁ ଆସିବା ପରେ ବଲିଉଡ ଲଭର୍ସକୁ ଉତ୍ସାହିତ କରି ରଖିଛି ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’। ଫିଲ୍ମର ଗୋଟିଏ ଝଲକ ଦେଖିବାକୁ ପାଇଁ ଅପେକ୍ଷା କରିବସିଥିଲେ ଦର୍ଶକ । ଇତିମଧ୍ୟରେ ଦର୍ଶକଙ୍କ ଅପେକ୍ଷାର ଅନ୍ତ ଘଟିଛି । କାରଣ ଜାରି ହୋଇଯାଇଛି ‘ମଲଙ୍ଗ’ର ଦୁଇଟି ନୂଆ ପୋଷ୍ଟର । ଗୋଟିଏ ପୋଷ୍ଟରେ ହ୍ୟାଣ୍ଡସମ ଆକ୍ଟର ଆଦିତ୍ୟ ରାୟ କପୁର ନଜର ଆସୁଥିବା ବେଳେ ଦ୍ବିତୀୟ ପୋଷ୍ଟରେ ସେକ୍ସୀ ଅଭିନେତ୍ରୀ ଦିଶା ପାଟନୀ ଦେଖାଯାଉଛନ୍ତି ।
ରିଲିଜ ହୋଇଥିବା ପୋଷ୍ଟରେ ଆଦିତ୍ୟଙ୍କ ସିକ୍ସ ପ୍ୟାକ ଏବ୍ସ ଓ ଶାନଦାର ବଡି ନଜର ଆସୁଛି । ପୋଷ୍ଟରେ ଆଦ୍ୟତ ଖୁବ୍ ରାଗରେ ଚିତ୍କାର କରୁଥିବାର ଦେଖାଯାଉଛନ୍ତି । ସେହିପରି ପୋଷ୍ଟରେ ଲେଖାଯାଇଛି, ‘ପାଗଳାମୀ ଆରମ୍ଭୱ। ’
ଇନଷ୍ଟାଗ୍ରାମରେ ପୋଷ୍ଟରକୁ ସେୟାର କରି ଆଦିତ୍ୟ ଲେଖିଛନ୍ତି, ‘ପ୍ୟାର ଜିତନା ପବିତ୍ର ହେ ଉତନୀ ନଫରତ ଭି ।’
ଅନ୍ୟପଟେ ଦିଶାଙ୍କ ଫାଷ୍ଟଲୁକ ପୋଷ୍ଟର ଖୁବ୍ ଗ୍ଲାମରସ ନଜର ଆସୁଛି । ଫିଲ୍ମରେ ସେ ଆଦିତ୍ୟଙ୍କ ଅପୋଜିଟରେ ଅଭିନୟ କରୁଛନ୍ତି । ଦିଶା ପୋଷ୍ଟର ସେୟାର କରି ଲେଖିଛନ୍ତି, ‘ପ୍ୟାର ମେଁ ଏକ ସେ ଦୁସରେ କେ ଜୀବନ କୋ ଜିନା ହେ।’ ଆସନ୍ତା 6 ତାରିଖରେ ‘ମଲଙ୍ଗ’ର ଦମଦାର ଟ୍ରେଲର ରିଲିଜ କରିବାକୁ ଯାଉଛନ୍ତି ମେକର୍ସ। ଏହି ଦୁଇ ଷ୍ଟାରଙ୍କ ବ୍ୟତୀତ ଅନିଲ କପୁର, କୁନାଲ ଖେମୁ ମଧ୍ୟ ମୁଖ୍ୟ ଭୂମିକାରେ ଅଭିନୟ କରୁଛନ୍ତି। ଫିଲ୍ମର ଅଧିକାଂଶ ସୁଟିଂ ଗୋଆରେ କରାଯାଇଛି । ସେହିପରି ଫିଲ୍ମର ସହ-ନିର୍ମାଣ ଟି ସିରିଜର ଭୂଷଣ କୁମାର, ଲଭ ରଞ୍ଜନ ଫିଲ୍ମସ ଓ ନର୍ଦର୍ନ ଲାଇଟ୍ସ ଏଣ୍ଟରଟେନମେଣ୍ଟର ଜୟ ସେବକରାମନଙ୍କ ଦ୍ବାରା କରାଯାଇଛି । ଫିଲ୍ମ ଫେବୃଆରୀ 7ରେ ରିଲିଜ ହେବ।
