ମୁମ୍ବାଇ: ନିକଟରେ ହ୍ୟାଣ୍ଡସମ ଆକ୍ଟର ଆଦିତ୍ୟ ରାୟ କପୁର ଓ ଦିଶା ପାଟନୀଙ୍କ ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’ ର ଦମଦାର ଟ୍ରେଲର ରିଲିଜ ହୋଇଥିଲା। ଫିଲ୍ମର ଟ୍ରେଲରକୁ ଦର୍ଶକ ଓ କ୍ରିଟିକ୍ସିଙ୍କ ଶାନଦାର ପ୍ରତିକ୍ରିୟା ମିଳିଥିଲା । ଯାହାପରେ ଫିଲ୍ମ ଦେଖିବାକୁ ବ୍ୟାକୁଳ ନଜର ଆସୁଛନ୍ତି ଦର୍ଶକେ। ଇତିମଧ୍ୟରେ ‘ମଲଙ୍ଗ’ ମେକର୍ସ ଫିଲ୍ମର ନୂଆ ରୋମାଣ୍ଟିକ ଗୀତ ରିଲିଜ କରି ଦର୍ଶକଙ୍କ ଏକ୍ସାଇଟମେଣ୍ଟ ଖୁବ୍ ବଢାଇ ଦେଇଛନ୍ତି। ଗୀତ ‘ଚଲ ଘର ଚଲେ’ରେ ଦିଶା ଓ ଆଦିତ୍ୟଙ୍କ ଜବରଦସ୍ତ କେମେଷ୍ଟ୍ରି ଦେଖିବାକୁ ମିଳୁଛି।
ଗୀତରେ ଯେତେ ରୋମାଣ୍ଟିକ ସିନ ଦେଖିବାକୁ ମିଳୁଛି ସେତିକି ଆଦିତ୍ୟଙ୍କ କ୍ରୋଧଭରା ଅନ୍ଦାଜ ମଧ୍ୟ ଦର୍ଶକଙ୍କୁ ଦିୱାନା କରିଦେଇଛି। ରାତିର ଅନ୍ଧାରରେ ନିଜ ଗାର୍ଲଫ୍ରେଣ୍ଡ କଥା ଭାବିବା ସହ ଲୋକଙ୍କ ହତ୍ୟା କରୁଥିବାର ମଧ୍ୟ ନଜର ଆସୁଛନ୍ତି ଆଦିତ୍ୟ। ଗୀତରେ ଆପଣ ଆଦିତ୍ୟ ଓ ଦିଶାଙ୍କ ଶାନଦାର ରୋମାନ୍ସ ଦେଖିବେ।