ମୁମ୍ବାଇ: ଅଭିନେତ୍ରୀ ଭୂମି ପେଡନେକର ମଧ୍ୟ ଜଣେ ଜଳବାୟୁ ଯୋଦ୍ଧା, ଏବଂ ସେ ବର୍ତ୍ତମାନ କାର୍ବନ ଫୁଟ୍ପ୍ରିଣ୍ଟ ବିଷୟରେ ସଚେତନତା ସୃଷ୍ଟି କରିବା ପାଇଁ ଏକ ନୂତନ ପ୍ରୟାସ ଆରମ୍ଭ କରିଛନ୍ତି । ଭୂମି ଜଳବାୟୁ ସଚେତନ ପାଇଁ ‘କାଉଣ୍ଟ୍ ଅସ୍ ଇନ୍’ ନାମକ ବିଶ୍ବ ନାଗରିକ ପଦକ୍ଷେପ ସହିତ ହାତ ମିଳାଇଛନ୍ତି । ସେ କାର୍ବନ ଫୁଟ୍ପ୍ରିଣ୍ଟ ହ୍ରାସ ଦିଗରେ ଭାରତୀୟଙ୍କୁ ପ୍ରେରଣା ଏବଂ ଶିକ୍ଷା ଦେବା ପାଇଁ ଘନିଷ୍ଠ ଭାବରେ କାର୍ଯ୍ୟ କରିବେ ।
ଏହା ବିଷୟରେ ସେ ଆଲୋଚନା କରି କହିଛନ୍ତି, ‘ପରିବେଶର ସୁରକ୍ଷା ମୋର ଜୀବନର ମିଶନ ପାଲଟିଛି ଏବଂ ମୁଁ ଭାରତରେ ଜଳବାୟୁ ପରିବର୍ତ୍ତନ ପ୍ରତି ଅଧିକ ସଚେତନତା ସୃଷ୍ଟି କରିବାକୁ କାଉଣ୍ଟ୍ ଅସ୍ ଇନ୍ ସହ ସହଭାଗୀ ହୋଇ ଆନନ୍ଦିତ । ଖ୍ରୀଷ୍ଟିଆନା ଫିଗୁରେସ୍ ଜଣେ ପ୍ରେରଣାଦାୟକ ମଣିଷ ଯିଏ ପୃଥିବୀକୁ ବଞ୍ଚାଇବା ପାଇଁ ନିଜ ଜୀବନକୁ ଉତ୍ସର୍ଗ କରିଥିଲେ ଏବଂ ମୁଁ ତାଙ୍କ ସହ ମୋ ଦେଶରେ ଏହି ପ୍ରସଙ୍ଗରେ କାମ କରିବାକୁ ଉତ୍ସାହିତ ଅଟେ । ଆମ ସମସ୍ତଙ୍କୁ ହାତ ମିଳାଇବାକୁ ପଡିବ ଏବଂ ଆମ ଗ୍ରହର ସୁରକ୍ଷା ଦିଗରେ ନିରନ୍ତର କାର୍ଯ୍ୟ କରିବାକୁ ପଡିବ କାରଣ ଆମ ଗ୍ରହ ଧିରେ ଧିରେ ନଷ୍ଟ ହେବାରେ ଲାଗିଛି ।’