ତାପସୀଙ୍କ ରଶ୍ମୀ ରକେଟ ଲୁକ, ଭାଇରାଲ ଫଟୋ

ନିଜ ଅପକମିଂ ଫିଲ୍ମ ‘ରଶ୍ମୀ ରକେଟ’କୁ ନେଇ ଉତ୍ସାହିତ ତାପସୀ । ନୂଆ ପୋଷ୍ଟ ସେୟାର କରି ଫିଲ୍ମର ସୁଟିଂ ବିଷୟରେ ଦେଲେ ସୂଚନା ।

ମୁମ୍ବାଇ: ବି-ଟାଉନର ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ଆରମ୍ଭ ନିକଟରେ ବହୁ ଚର୍ଚ୍ଚିତ ଫିଲ୍ମ ‘ରଶ୍ମୀ ରକେଟ’ର ସୁଟିଂ ଆରମ୍ଭ କରିଥିଲେ । ଆଉ ଏବେ ଫିଲ୍ମରୁ ନିଜର ଫାଷ୍ଟଲୁକ ଫଟୋ ସେୟାର କରି ଫ୍ୟାନ୍ସଙ୍କୁ ସରପ୍ରାଇଜ ଦେଇଛନ୍ତି । ଭାଇରାଲ ହେଉଥିବା ଫଟୋରେ ସେ ଟ୍ରାକରେ ଦୌଡିବା ପାଇଁ ପ୍ରସ୍ତୁତ ହେଉଥିବାର ଦେଖିବାକୁ ମିଳୁଛି ।

ଗୁଜୁରାଟର ପୃଷ୍ଠଭୂମି କାହାଣୀକୁ ନେଇ ଆଧାର କରି ଏହି ଫିଲ୍ମରେ ତାପସୀ ଜଣେ ଆଥଲେଟ ଭୂମିକାରେ ଅଭିନୟ କରୁଛନ୍ତି । ସେହିପରି ଫିଲ୍ମ ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଆକର୍ଷ ଖୁରାନା ।

ଇନଷ୍ଟାଗ୍ରାମରେ ଫାଷ୍ଟଲୁକ ପୋଷ୍ଟ ସେୟାର କରି ତାପସୀ ଲେଖିଛନ୍ତି, ‘ଚାଲନ୍ତୁ ଏମିତି କିରବା। ରଶ୍ମୀ ରକେଟ ।’ ପ୍ରକାଶ ଥାଉକି ‘ରଶ୍ମୀ ରକେଟ’ର କାହାଣୀ ଜଣେ ଝିଅ ଉପରେ ଆଧାରିତ । ଯିଏ ଦୃତଗତିରେ ଦୌଡି ପାରିବାର ବରଦାନ ପାଇଛନ୍ତି । ଏହି ଅବିଶ୍ବାସନୀୟ କ୍ଷମତାକୁ ଦେଖି ଗାଁ ଲୋକେ ତାଙ୍କୁ ରକେଟର ନାଁରେ ଡାକନ୍ତି ।