ମୁମ୍ବାଇ: ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ବଲିଉଡର ଫେମସ ଅଭିନେତ୍ରୀଙ୍କ ମଧ୍ୟରେ ଅନ୍ୟତମ । ନିଜ ଶାନଦାର ଅଭିନୟ ଜରିଆରେ ସେ ଲକ୍ଷ ଲକ୍ଷ ଦର୍ଶକଙ୍କ ମନରେ ନିଜର ସ୍ବତନ୍ତ୍ର ସ୍ଥାନ ସ୍ଥାପନ କରିସାରିଛନ୍ତି । ଫିଲ୍ମ ବ୍ୟତୀତ ସେ ସୋସିଆଲ ମିଡିଆରେ ମଧ୍ୟ ଖୁବ୍ ସକ୍ରିୟ । ଲକଡାଉନରେ ସେ ଫ୍ୟାନ୍ସଙ୍କ ସହ କନେକ୍ଟ ରହିବା ପାଇଁ ନିଜର ଫଟୋ, ଭିଡିଓ ପ୍ରାୟତଃ ସେୟାର କରିସାରିଛନ୍ତି । ଏଥର ସେ ପ୍ରବାସୀ ଶ୍ରମିକଙ୍କର ଏକ ଭାବବିହ୍ବଳ ଭିଡିଓ ସେୟାର କରି ସମସ୍ତଙ୍କୁ ଦୁଃଖି କରିଦେଇଛନ୍ତି ।
ଏହି ଭିଡିଓ କୋରୋନା କାଳରେ ଭାରତର ସ୍ଥିତିକୁ ବ୍ୟକ୍ତ କରୁଛି । ଭାବୁକ କରିଦେଉଥିବା ଏହି ଭିଡିଓରେ ଲକଡାଉନ ଯୋଗୁ ସମସ୍ୟାରେ ଥିବା ସେହି ପ୍ରବାସୀଙ୍କ ଫଟୋ ଦେଖିବାକୁ ମିଳୁଛି । ଯାହା ଖୁବ୍ ଭାଇରାଲ ହେଉଛି । ସେହିପରି ଭିଡିଓଟି ସମସ୍ତଙ୍କୁ ଭାବୁକ ମଧ୍ୟ କରିଦେଇଛି ।