ବଲିଉଡର କଳା ସତ ଉପରୁ ପରଦା ହଟାଇଲେ ତାପସୀ

ବୟାନକୁ ନେଇ ଏବେ ଚର୍ଚ୍ଚାରେ ତାପସୀ । ଏଥର ବଲିଉଡରେ ନିଜ ଯାତ୍ରା ଏବଂ ସଂଘର୍ଷ ବିଷୟରେ ଜଣାଇଛନ୍ତି ସେ । ଅଧିକ ପଢନ୍ତୁ...

ମୁମ୍ବାଇ: ବଲିଉଡରେ କଡା ପରିଶ୍ରମ ଦ୍ବାରା ନିଜର ସ୍ବତନ୍ତ୍ର ସ୍ଥାନ ସ୍ଥାପନ କରିଛନ୍ତି ତାପସୀ ପନ୍ନୁ । ଆଜି ସେ ହିନ୍ଦୀ ସିନେମା ଜଗତର ଲୋକପ୍ରିୟ ଅଭିନେତ୍ରୀଙ୍କ ମଧ୍ୟରେ ଅନ୍ୟତମ । ଇତିମଧ୍ୟରେ ତାପସୀ ବଲିଉଡ ସହ ସମ୍ପୃକ୍ତ ଏମିତି ରାଜ୍ ଖୋଲିଛନ୍ତି । ଯାହା ଶୁଣି ଆପଣ ବି ଆଶ୍ଚର୍ଯ୍ୟ ହୋଇଯିବେ।

ତେବେ କଥାଟି ହେଲା ଯେ ଏକ ସାକ୍ଷାତକାରରେ ବଲିଉଡରେ କ୍ୟାରିୟର ଆରମ୍ଭ କରିବା ସମୟ କଥା ଆଲୋଚନା କରି ସେ କହିଥିଲେ, ‘ଯେତେବେଳେ ମୁଁ ଫିଲ୍ମ କ୍ୟାରିୟର ଆରମ୍ଭ କରିବାକୁ ଯାଉଥିଲି, ମୋତେ ଅନେକ ସଂଘର୍ଷର ସାମ୍ନା କରିବାକୁ ପଡିଥିଲା । କାରଣ ମୁଁ ସାଧାରଣ ଝିଅ ହେବା ସହ ଅଧିକ ସୁନ୍ଦର ମଧ୍ୟ ନଥିଲି । ଏଥିପାଇଁ ମୋତେ ଅନେକ ଥର ରିଜେକ୍ଟ କରାଯାଇଥିଲା । ଖାଲି ଏତିକି ନୁହେଁ ଫିଲ୍ମରେ ନିର୍ମାତା ନେବା ପରେ ଅନେକ ଅଭିନେତାଙ୍କ ପତ୍ନୀଙ୍କ କହିବା ଦ୍ବାରା ମତେ ରିପ୍ଲେସ ମଧ୍ୟ କରାଯାଉଥିଲା । ଯାହା ଦୁଃଖଦାୟକ ଥିଲା । ସବୁଠୁ ସେହି ସମୟରେ ଖରାପ ଲାଗିଥିବା ଯେବେ ମୁଁ ଗୋଟିଏ ଫିଲ୍ମର ଡବିଂ କରୁଥିଲି ଆଉ ମେକର୍ସ ମତେ କହିଥିଲେ ଅଭିନେତାଙ୍କୁ ମୋ ଡବିଂ ଭଲ ଲାଗୁନାହିଁ । ତେଣୁ ମୋ ସ୍ଥାନରେ ଆଉ ଜଣେ ଡବିଂ କରିଥିଲେ । ପ୍ରଥମେ ମୋତେ ଫ୍ଲପ୍ ହିରୋଙ୍କ ସହ କାମ କରିବାକୁ ମଧ୍ୟ କହୁଥିଲେ ମେକର୍ସ ।’

ବୟାନ ବ୍ୟତୀତ ତାପସୀ ନିଜ ଆଗାମୀ ଫିଲ୍ମକୁ ନେଇ ଚର୍ଚ୍ଚାରେ । ନିକଟରେ ସେ ସ୍ପୋର୍ଟ୍ସ ଡ୍ରାମା ଫିଲ୍ମ ‘ରଶ୍ମୀ ରକେଟ’ର ସୁଟିଂ ଶେଷ କରିଥିଲେ । ଏବର୍ଷ ବ୍ୟାକ ଟୁ ବ୍ୟାକ ତାପସୀଙ୍କ ଫିଲ୍ମ ରିଲିଜ ହେବାକୁ ଯାଉଛି ।