କୋରୋନା ଆକ୍ରାନ୍ତ ଆଲିୟା, ଭୟଭୀତ ମା'

ଟ୍ବିଟକୁ ନେଇ ଚର୍ଚ୍ଚାରେ ଆଲିୟାଙ୍କ ମା' ସୋନି । ଆଲିୟାଙ୍କ କୋରୋନା ପରେ ଲେଖିଲେ ଆଶ୍ଚର୍ଯ୍ୟଜନକ କଥା । ଅଧିକ ପଢନ୍ତୁ...

ମୁମ୍ବାଇ: ଶୁକ୍ରବାର କ୍ୟୁଟ ଅଭିନେତ୍ରୀ ଆଲିୟା ଭଟ୍ଟଙ୍କ କୋରୋନା ସଂକ୍ରମିତ ହେବା ଖବର ସାମ୍ନାକୁ ଆସିଥିଲା । ବର୍ତ୍ତମାନ ସେ ହୋମ କ୍ବାରେଣ୍ଟାଇନରେ ଅଛନ୍ତି । ସେହିପରି ନିକଟରେ ତାଙ୍କ ବୟଫ୍ରେଣ୍ଡ ତଥା ଅଭିନେତା ରଣବୀର କପୁରଙ୍କ ରିପୋର୍ଟ ମଧ୍ୟ ପଜିଟିଭ ଆସିଥିଲା । ଇତିମଧ୍ୟରେ ଝିଅ ଆଲିୟାଙ୍କୁ କୋରୋନା ହେବା ଉପରେ ପ୍ରତିକ୍ରିୟା ରଖିଛନ୍ତି ମା ତଥା ଅଭିନେତ୍ରୀ ସୋନି ରାଜଦାନ ।

ଆଲିୟାଙ୍କ କୋରୋନା ପଜିଟିଭ ଆସିବା ଖବରରେ ଦୁଃଖି ଥିବା ସୋନି ଏକ ଟ୍ବିଟ କରି ଲେଖିଛନ୍ତି, ‘ଏହା କୌଣସି ସାଧାରଣ ଜିନିଷ ନୁହେଁ । ଏହା ସବୁଠାରେ ଅଛି । ଆମ ଘରେ, ଆମ ମାମଲାରେ । ମୁଁ ଟିକେ ଭୟଭୀତ ହେଉଛି | ଏହା କୌଣସି ସାଧାରଣ କଥା ନୁହେଁ । ଏହା ସବୁଆଡେ ବ୍ୟାପି ଗଲାଣି । ଜାଣିନି କିପରି ଏହାର ଆମେ ମୁକାବୁଲା କରିବା । ଆମେ କିପରି ଯତ୍ନ ନେବା ।’

ପ୍ରକାଶ ଥାଉକି ଆଲିୟାଙ୍କ ପୂର୍ବରୁ ଆମୀର ଖାନ, ତାରା ସୁତାରିୟା, ରଣବୀର, ବରୁଣ ଭଳି ସେଲିବ୍ରିଟି କୋରୋନା ସଂକ୍ରମିତ ହୋଇସାରିଲେଣି ।