ମୁମ୍ବାଇ: ଦବଙ୍ଗ ଗାର୍ଲ ସୋନାକ୍ଷୀ ସିହ୍ନାଙ୍କ ବଡ ଭାଇ ଲଭ ସିହ୍ନା ନିକଟରେ ବିହାର ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ କରିଥିଲେ । ଯାହାପାଇଁ ତାଙ୍କୁ ସୋସିଆଲ ମିଡିଆରେ ଶୁଭେଚ୍ଛା ଜଣାଇଥିଲେ ଭଉଣୀ । ହେଲେ ପୁଣିଥରେ ଟ୍ରୋଲର୍ସଙ୍କ ଶିକାର ହୋଇଛନ୍ତି ସେ । ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରଠୁ ସୋନାକ୍ଷୀଙ୍କ ଉପରେ ପରିବାରବାଦ ଅଭିଯୋଗ ଲଗାଇ ତାଙ୍କୁ ବାରମ୍ବାର ଟ୍ରୋଲର କରାଯାଉଛି। ଏଥର ମଧ୍ୟ ଏମିତି ଘଟିଛି ।
ଭାଇଙ୍କ ଫଟୋ ସେୟାର କରି ସେ ଲେଖିଥିଲେ, ‘ମୋ ବଡ ଭାଇ ଲଭ ସିହ୍ନାଙ୍କ ଉପରେ ମୁଁ ଗର୍ବ ଅନୁଭବ କରୁଛି ଯେ ସେ ବିହାର ନିର୍ବାଚନ ପାଇ ନାମାଙ୍କନ ପତ୍ର ଭରିଛନ୍ତି । ବାସ୍ତବରେ ଯୁବପିଢି ଓ ଭଲ ଲୋକ ଦେଶ ପାଇଁ ଠିଆ ହେବାର ଆବଶ୍ୟକ ଅଛି। ତାଙ୍କ ଏହି ଯାତ୍ରା ପାଇଁ ମୁଁ ବହୁତ ଖୁସି । ଅଲ ଦ ବେଷ୍ଟ ଭାଇ।’