ମାଳଦ୍ବୀପ ସମୁଦ୍ର କୂଳରେ ଶ୍ରଦ୍ଧାଙ୍କ ସ୍ଲୋ ମୋସନ ଡ୍ୟାନ୍ସ, ଭିଡିଓ ଭାଇରାଲ

ମସ୍ତି ମୁଡରେ ନଜର ଆସିବେ ଶ୍ରଦ୍ଧା । ସୋସିଆଲ ମିଡିଆରେ ସେୟାର କଲେ ନିଜ ଡ୍ୟାନ୍ସ ଭିଡିଓ । ସମ୍ପର୍କୀୟ ବିବାହ ଉତ୍ସବରେ ସାମିଲ ହେବାକୁ ମାଳଦ୍ବୀପରେ ଅଛନ୍ତି ଅଭିନେତ୍ରୀ । ଅଧିକ ପଢନ୍ତୁ...

ମୁମ୍ବାଇ: ସୁନ୍ଦରୀ ଅଭିନେତ୍ରୀ ଶ୍ରଦ୍ଧା କପୁର ଏବେ ନିଜ ସମ୍ପର୍କୀୟ ପ୍ରିୟାଙ୍କ ଶର୍ମା ବିବାହ ଉତ୍ସବରେ ଖୁବ୍ ଏନଜୟ କରୁଥିବାର ନଜର ଆସୁଛନ୍ତି । ବିବାହରେ ସାମିଲ ହେବା ପାଇଁ ସେ ନିକଟରେ ମାଳଦ୍ବୀପର ଯାତ୍ରା କରିଥିଲେ । ସେ ଭାଇଙ୍କ ବିବାହରେ ଖୁବ୍ ମସ୍ତି କରୁଥିବାର ଦେଖିବାକୁ ମିଳୁଛି । ଏକଥା ଆମେ କହୁନାହୁଁ ଏହା ତାଙ୍କ ସୋସିଆଲ ମିଡିଆ ପୋଷ୍ଟରେ ଦେଖିବାକୁ ମିଳୁଛି ।

ସେ ନିଜର ସୁନ୍ଦର ଭିଡିଓ ଇନଷ୍ଟାଗ୍ରାମରେ ସୋମବାର ସେୟାର କରିଥିଲେ । ଯେଉଁଥିରେ ସେ ଲେହେଙ୍ଗା ପନ୍ଧି ମାଳଦ୍ବୀପର ସମୁଦ୍ର କୂଳରେ ସ୍ଲୋ ମୋସନରେ ଡ୍ୟାନ୍ସ କରୁଥିବାର ଦେଖାଯାଉଛନ୍ତି । ସେହିପରି କ୍ୟାପସନରେ ସେ ‘#ShazaSharmaGayi’ ଲେଖିଛନ୍ତି ।

ବର୍ତ୍ତମାନ ଭାଇରାଲ ହେବାରେ ଲାଗିଛି ତାଙ୍କ ଏହି ଭିଡିଓ । ଯେଉଁଥିରେ କମେଣ୍ଟ କରି ତାଙ୍କ ପ୍ରଶଂସା କରିବାରେ କରୁଛନ୍ତି ଫ୍ୟାନ୍ସ । ଯଦି ତାଙ୍କ ଫିଲ୍ମ ବିଷୟରେ କଥା ହେବା ତାହାଲେ ସେ ଖୁବଶୀଘ୍ର ହ୍ୟାଣ୍ଡସମ ଆକ୍ଟର ରଣବୀର କପୁରଙ୍କ ସହ ନଜର ଆସିବେ । ପ୍ରଥମଥର ଏହି ଯୋଡି ନିର୍ଦ୍ଦେଶକ ଲଭ ରଞ୍ଜନଙ୍କ ରୋମାଣ୍ଟିକ ଡ୍ରାମା ଫିଲ୍ମରେ ଦେଖାଯିବେ ।

ସେହିପରି ବିବାହ ବନ୍ଧନରେ ଆବଦ୍ଧ ହେବାକୁ ଯାଉଥିବା ତାଙ୍କ ସମ୍ପର୍କୀୟ ଭାଇ ପ୍ରିୟାଙ୍କ ତାଙ୍କ ମାଉସୀ ତଥା ଅଭିନେତ୍ରୀ ପଦ୍ମିନୀ କୋହ୍ଲାପୁରୀଙ୍କ ପୁଅ । ସେ ଫିଲ୍ମ ନିର୍ମାତା କରୀମ ମୋରାନୀଙ୍କ ଲାଡଲୀ ଶଜା ମୋରାନୀଙ୍କୁ ବିବାହ କରିବାକୁ କରିବେ ।