ମୁମ୍ବାଇ: ଚୁଲବୁଲି ଅଭିନେତ୍ରୀ ସାରା ଅଲ୍ଲୀ ଖାନ କମେଡି ଡ୍ରାମା ଫିଲ୍ମ ‘କୁଲି ନଂ 1’ ରିମେକ ନେଇ ପରଦାକୁ ଫେରିବେ । ପ୍ରଥମଥର ସେ ପରଦାରେ ହ୍ୟାଣ୍ଡସମ ଆକ୍ଟର ବରୁଣ ଧୱନଙ୍କ ସହ ରୋମାନ୍ସ କରିବେ । ଲୋକପ୍ରିୟ ନିର୍ମାତା ଡେଭିଡ ଧୱନଙ୍କ ଏହି କମେଡି ଡ୍ରାମା ଫିଲ୍ମର ଜବରଦସ୍ତ ଟ୍ରେଲର ନିକଟରେ ରିଲିଜ ହୋଇଥିଲା । ଯାହାକୁ ଦେଖି ହସି ହସି ବେହାଲ ଦର୍ଶକ । କାରଣ ସାରାଙ୍କ କମେଡି କିଣିଛି ସମସ୍ତଙ୍କ ମନ । କମେଡି ଦୁନିଆରେ ନିଜ ଜଲୱା ଦେଖାଇବାରେ ସଫଳ ସେ ।
ସବୁଠୁ ମୁଖ୍ୟ କଥା ହେଲା ଯେ ସେ ଫିଲ୍ମରେ ମାଉସୀ ତଥା ଅଭିନେତ୍ରୀ କରିସ୍ମା କପୁରଙ୍କ କମେଡିକୁ କପି କରିବାକୁ ଚେଷ୍ଟା କରିଛନ୍ତି । ଆଉ କିଛି ମାତ୍ରାରେ ସେ ସଫଳ ହୋଇଛନ୍ତି ମଧ୍ୟ । 1991ରେ ଆସିଥିବା ଏହି ସୁପରହିଟ୍ ଫିଲ୍ମରେ ଗୋବିନ୍ଦାଙ୍କ ସହ ଅଭିନୟ କରିଥିଲେ କରିସ୍ମା ।