ସରିଲା ଏନସିବି ଟେନସନ, ସୋସିଆଲ ମିଡିଆକୁ ଫେରିଲେ ରକୁଲ

ଭାଇରାଲ ହେଲା ରକୁଲଙ୍କ ନୂଆ ଫଟୋ । ଏନସିବି ଜେରାରୁ ଫ୍ରି ହୋଇ ସେୟାର କଲେ ଫଟୋ...

ମୁମ୍ବାଇ: ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ନିଧନ ପରଠୁ ବଲିଉଡ ଉପରେ ଅନେକ ସମସ୍ୟା ଦେଖା ଦେଇଛି । କେତେବେଳେ ପରିବାରବାଦ ଅଭିଯୋଗ ତ କେତେବେଳେ ଡ୍ରଗ୍ସ କାରବାର। ଏହି ଡ୍ରଗ୍ସ ମାମଲାରେ ଅନେକ ଫେମସ ଅଭିନେତ୍ରୀଙ୍କ ନାମ ସାମ୍ନାକୁ ଆସିସାରିଛି। ଯାହାକୁ ଆଧାର କରି ଏମାନଙ୍କୁ ପଚରାଉଚରା କରିଛି ଏନସିବି । ଏହି କ୍ରମରେ ସାମିଲ ଅଛନ୍ତି ରକୁଲ ପ୍ରୀତ ସିଂ । ଏବେ ଏନସିବି ଠୁ ଛୁଟକାରା ପାଇ ସୋସିଆଲ ମିଡିଆକୁ ଫେରିଛନ୍ତି ରକୁଲ । ଆଉ ସେୟାର କରିଛନ୍ତି ଏକ ପୋଷ୍ଟ।

କଥାଟି ହେଲା ଯେ ଏନସିବିର ଜେରା ପରଠୁ ସୋସିଆଲ ମିଡିଆରୁ ଅଦୃଶ୍ୟ ହୋଇଯାଇଥିଲେ । ଡ୍ରଗ୍ସ ମାମଲା ଥମିବା ପରେ ପୁଣି ସୋସିଆଲ ମିଡିଆରେ ନଜର ଆସିଛନ୍ତି । ସେ ଯୋଗ କରୁଥିବା ସମୟରେ ନିଜର ଏକ ଫଟୋ ସେୟାର କରିଛନ୍ତି । ହେଲେ ଫ୍ୟାନ୍ସଙ୍କୁ ତାଙ୍କ ଏହି ଅନ୍ଦାଜ ପସନ୍ଦ ଆସିଥିବା ବେଳେ ଟ୍ରୋଲର୍ସକୁ ଆସିନାହିଁ । ଯାହାଦ୍ବାରା ତାଙ୍କୁ ଟ୍ରୋଲ କରାଯାଉଛି ।

ସେହିପରି ସେ ଫଟୋର କ୍ୟାପସନରେ ଲେଖିଛନ୍ତି, ‘ଆଗକୁ ବଢ, ଅଧିକ ଶକ୍ତି ଲଗାଇ ଆଗକୁ ବଢ।’ ଏହାସହ ସେ ଫଟୋରେ ହାର୍ଟ ଇମୋଜି ମଧ୍ୟ ତିଆରି କରିଛନ୍ତି । ଦେଖନ୍ତୁ ଫଟୋ...