ଭାରତକୁ ସାହାଯ୍ୟ କରିବାକୁ ପୁଣି ଅନୁରୋଧ କଲେ ଦେଶୀ ଗାର୍ଲ

ସୋସିଆଲ ମିଡିଆରେ ଭିଡିଓ ସେୟାର କରି ଭାରତ ପାଇଁ ସାହାଯ୍ୟ ମାଗିଲେ ପ୍ରିୟଙ୍କା । ଏଯାବତ ସେ ନିକଙ୍କ ସହ ମିଶି 4 କୋଟିରୁ ଅଧିକ ଟଙ୍କା ସଂଗ୍ରହ କରିସାରିଲେଣି । ଅଧିକ ପଢନ୍ତୁ...

ମୁମ୍ବାଇ:ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ରବିବାର ସୋସିଆଲ ମିଡିଆରେ ଏକ ଭିଡିଓ ସେୟାର କରିଥିଲେ । ଯେଉଁଥିରେ ଭାରତର ବର୍ତ୍ତମାନ ପରିସ୍ଥିତି ଦେଖିବାକୁ ମିଳୁଛି । କୋରୋନାର ଦ୍ବିତୀୟ ଲହର ଭାରତ ଉପରେ କେତେ ଗୁରୁତର ପ୍ରଭାବ ପକାଇଛି ତାହା ଭିଡିଓରେ ଦର୍ଶାଯାଇଛି।

ଭିଡିଓ ସେୟାର କରି ପ୍ରିୟଙ୍କା ଲେଖିଛନ୍ତି ଯେ, ଭାରତରେ କୋଭିଡ-19ର କ୍ଷତିକାରକ ପ୍ରଭାବକୁ ରୋକିବା ପାଇଁ ଯୁଦ୍ଧ ଜାରି ରହିଛି। ଆପଣଙ୍କର ଅବଦାନ ଏକ ବିରାଟ ପରିବର୍ତ୍ତନ ଆଣିବ। ଦୃଶ୍ୟମାନ ପାର୍ଥକ୍ୟ ଆଣିବ । ଆପଣଙ୍କର ଅବଦାନ ଜୀବନ ବଞ୍ଚାଇବ । ଦାନ କରନ୍ତୁ ।

ପ୍ରକାଶ ଥାଉକି, ପ୍ରିୟଙ୍କା ନିଜ ସ୍ବାମୀ ନିକ ଜୋନସଙ୍କ ସହ ମିଶି ‘ଇଣ୍ଡିଆ ନିଡ୍ସ ଆୱାର ହେଲ୍ଫ’ ଅଭିଯାନ ଆରମ୍ଭ କରିଛନ୍ତି । କିଛି ଦିନରୁ ସେ ଏହି ଅଭିଯାନ ଜରିଆରେ ଟଙ୍କା ସଂଗ୍ରହ କରିବାରେ ଲାଗିଛନ୍ତି । ଏଯାବତ ସେ 4 କୋଟିରୁ ଅଧିକ ଟଙ୍କା ସଂଗ୍ରହ କରିସାରିଲେଣି ।