ମୁମ୍ବାଇ: ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରାଙ୍କ ହଲିଉଡ ୱେବ ଫିଲ୍ମ ‘ୱେ କ୍ୟାନ ବି ହିରୋଜ’ ନିକଟରେ ରିଲିଜ ହୋଇଥିଲା । ରିଲିଜର ମାତ୍ର ଚାରି ସପ୍ତାହ ମଧ୍ୟରେ 44 ମିଲିୟନ ଦର୍ଶକ ଏହି ଫିଲ୍ମ ଦେଖି ଖୁବ୍ ପ୍ରଶଂସା କରିଥିଲେ । ଏହି ଅବସରରେ ମଙ୍ଗଳବାର ପ୍ରିୟଙ୍କା ବଡ ଘୋଷଣା କରି ଫ୍ୟାନ୍ସଙ୍କୁ ସରପ୍ରାଇଜ ଦେଇଛନ୍ତି । ଆଜ୍ଞା ହଁ, ଏହି ସୁପରହିରୋ ଫିଲ୍ମର ସିକ୍ବେଲ ବିଷୟରେ ଜଣାଇଛନ୍ତି ପିସି ।
ସେ ଟ୍ବିଟରରେ ଏକ ପୋଷ୍ଟ କରି ଲେଖିଛନ୍ତି, ‘ହିରୋଜ ହେଡକ୍ବାଟର୍ସ ପ୍ରୋଜେକ୍ସନ । 44 ମିଲିୟନ ଫ୍ୟାମିଲିକୁ ଏହାର 4 ସପ୍ତାହରେ ଆମେ ୱେ କ୍ୟାନ ବି ହିରୋଜରେ ସାମିଲ କରିବୁ । ଆଉ ବ୍ରେକିଂ ନ୍ୟୁଜ ହେଲା, ପୁଣିଥରେ ଫେରିବାକୁ ଯାଉଛନ୍ତି ଏହି ସୁପରହିରୋ । ବର୍ତ୍ତମାନ ସିକ୍ବେଲ ଉପରେ କାମ କରୁଛନ୍ତି ରୋଡ୍ରିଗେଜ୍ ଏବଂ ନେଟଫ୍ଲିକ୍ସ।’