ମୁମ୍ବାଇ: ବର୍ତ୍ତମାନ ଭାରତ କୋରୋନା ମହାମାରୀର ଦ୍ବିତୀୟ ଲହର ସହ ଲଢୁଛି। ଦେଶରେ ବଢିଚାଲିଛି କୋରୋନା ସଂକ୍ରମିତଙ୍କ ସଂଖ୍ୟା । ଏଥିରୁ ଦେଶବାସୀଙ୍କୁ ସୁରକ୍ଷିତ ରଖିବା ପାଇଁ ଅନେକ ରାଜ୍ୟରେ ଲକଡାଇନ, ସଟଡାଉନ ଓ ନାଇଟ କର୍ଫ୍ୟୁ ମଧ୍ୟ ଲାଗୁ ହୋଇଯାଇଛି । ସେପଟେ ଗ୍ଲୋବାଲ ଆଇକନ ପ୍ରିୟଙ୍କା କ୍ରମାଗତ ଭାବେ ଦେଶବାସୀଙ୍କ ସେବାରେ ଲାଗିଛନ୍ତି ।
ନିକଟରେ ସେ ସ୍ବାମୀ ନିକ ଜୋନସଙ୍କ ସହ ମିଶି ‘ଇଣ୍ଡିଆ ନିଡ୍ସ ଆୱାର ହେଲ୍ଫ’ ଅଭିଯାନ ଆରମ୍ଭ କରିଥିଲେ। କିଛି ଦିନରୁ ସେ ଏହି ଅଭିଯାନ ଜରିଆରେ ଟଙ୍କା ସଂଗ୍ରହ କରିବାରେ ଲାଗିଛନ୍ତି । ଏଯାବତ ସେ 3 ମିଲିୟନ ଡଲାର ସଂଗ୍ରହ କରିସାରିଲେଣି ।
ଯାହା ସାହାଯ୍ୟରେ ସେ 500 ଅକ୍ସିଜେନ କନସେନଟ୍ରେଟର କିଣିପାରିବେ । ଏହି ଅକ୍ସଜେନ ଜରିଆରେ 2500 କୋରୋନା ରୋଗୀ ଉପକୃତ ହେବେ ।
ସେପଟେ ଏହି ଅଭିଯାନରେ ସହଯୋଗ କରୁଥିବା ଲୋକଙ୍କୁ ଧନ୍ୟବାଦ ଜଣାଇ ପ୍ରିୟଙ୍କା କହିଛନ୍ତି, ‘ତୁମର ସହଯୋଗ ବଡ ପରିବର୍ତ୍ତନ ଆଣିବ । ମୁଁ ଏଠାରେ ତୁମକୁ ନୂଆ ସୂଚନା ଦେଉଛି । ଏପର୍ଯ୍ୟନ୍ତ ପ୍ରାପ୍ତ ପାଣ୍ଠି ସହିତ, ଆମେ ପ୍ରାୟ 500 ଅମ୍ଳଜାନ ଏକାଗ୍ରତା କ୍ରୟ କରିଛୁ ଯାହାର ଅର୍ଥ ହେଉଛି ପ୍ରତ୍ୟେକ ମାସରେ 2500ରୁ ଅଧିକ ରୋଗୀଙ୍କୁ ଅମ୍ଳଜାନ ଯୋଗାଇଦେବା। ଏଥିପାଇଁ ସମସ୍ତଙ୍କୁ ଧନ୍ୟବାଦ।’
ସେ ଆହୁରି ମଧ୍ୟ କହିଛନ୍ତି, ‘10ଟି ଟୀକାକରଣ କେନ୍ଦ୍ର ପାଇଁ ମାନବ ଶକ୍ତି ଯାହା 6 ହଜାରୁରୁ ଅଧିକ ଲୋକଙ୍କୁ ଟିକା ଦେବାରେ ସାହାଯ୍ୟ କରିବ। ଏବଂ 2 ମାସ ପାଇଁ 422 ଅମ୍ଳଜାନ ସିଲିଣ୍ଡର ଯୋଗାଇବ । ଯାହାର ପ୍ରତ୍ୟେକର କ୍ଷମତା 6 ହଜାର ଲିଟର ଅମ୍ଳଜାନ ।’