ଅଭିଷେକଙ୍କ ସହ ରୋମାନ୍ସ କରିବେ ଟେଲି ଅଭିନେତ୍ରୀ ନିକିତା

କବୀର ସିଂ ପରେ ଏବେ ନିକିତା ଦତ୍ତାଙ୍କ ହାତରେ ଆଉ ଏକ ଫିଲ୍ମ । ସେ ଖୁବଶୀଘ୍ର ଅଭିଷେକ ବଚ୍ଚନଙ୍କ ଆଗାମୀ ଫିଲ୍ମ ‘ବିଗ ବୁଲ’ରେ ଅଭିନୟ କରିବାକୁ ଯାଉଛନ୍ତି ।

ମୁମ୍ବାଇ: ଟେଲି ଜଗତର ଫେମସ ଅଭିନେତ୍ରୀ ନିକିତା ଦତ୍ତା ଶେଷଥର ବ୍ଲକବଷ୍ଟର ଫିଲ୍ମ ‘କବୀର ସିଂ’ରେ ନଜର ଆସିଥିଲେ। ଏହି ଫିଲ୍ମ ପୂର୍ବରୁ ସେ ଏକ ୱେବ ସିରିଜରେ କାମ କରି ଦର୍ଶକଙ୍କ ମନ କିଣିଥିଲେ। ଏବେ ସେ ଆଉ ଜଣେ ବଲିଉଡ ଷ୍ଟାର୍ସଙ୍କ ସହ ପରଦାରେ ରୋମାନ୍ସ କରିବାକୁ ଯାଉଛନ୍ତି। ଆଜ୍ଞା ହଁ, ସେ ଖୁବଶୀଘ୍ର ଜୁନିୟର ବଚ୍ଚନ ଅଭିଷେକଙ୍କ ସହ ନଜର ଆସିବେ। ସେ ଅଭିଷେକଙ୍କ ଆଗାମୀ ଫିଲ୍ମ ‘ବିଗ ବୁଲ’ରେ ଏଣ୍ଟ୍ରି କରିଛନ୍ତି।

ଏହି ଅବସରରେ ସେ ଏକ ସାକ୍ଷାତକରାରେ ଯୋଗ ଦେଇ କହିଥିଲେ ଯେ ‘ବିଗ ବୁଲ’ ଭଳି ବଡ ଫିଲ୍ମରେ ଅଭିଷେକଙ୍କ ସହ ସ୍କ୍ରିନ ସେୟାର କରିବା ତାଙ୍କ ପାଇଁ ବଡ କଥା। ସେ ବହୁତ ଭାଗ୍ୟଶାଳୀ ଯେ ତାଙ୍କୁ ନିର୍ଦ୍ଦେଶକ ଓ ପ୍ରଯୋଜକ ପସନ୍ଦ କରୁଛନ୍ତି। ଅଭିଷେକଙ୍କ ସହ କାମ କରିବା ତାଙ୍କ ପାଇଁ ନୂଆ ଅନୁଭୂତି ହେବ । ସେ ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିବାକୁ ନେଇ ଖୁବ୍ ଉତ୍ସାହିତ ଅଛନ୍ତି।

ପ୍ରକାଶ ଥାଉକି ଫିଲ୍ମରେ ଅଭିଷେକ ଓ ନିକିତାଙ୍କ ବ୍ୟତୀତ ଇଲିୟାନା ଡିକ୍ରୁଜ, ବୁରଣ ଶର୍ମା, ଚଙ୍କି ପାଣ୍ଡେ ଓ କୁମୁଦ ମିଶ୍ରାଙ୍କ ଭଳି କଳାକାର ଏହି ଫିଲ୍ମରେ ନଜର ଆସିବେ। ସେହିପରି ଫିଲ୍ମର ପ୍ରଯୋଜନା ଦାୟିତ୍ବ ଅଜୟ ଦେବଗନ, ଆନନ୍ଦ ପଣ୍ଡିତ ତୁଲାଉଥିବା ବେଳେ ଏହାର ନିର୍ଦ୍ଦେଶନା କରୁଛନ୍ତି କୁକି ଗୁଲାଟି।