ମୁମ୍ବାଇ: କ୍ରିତି ସାନନ ଓ ବରୁଣ ଧୱନ ବର୍ତ୍ତମାନ ନିଜର ଆଗାମୀ ଫିଲ୍ମ ‘ବେହଡିୟା’ର ସୁଟିଂରେ ବ୍ୟସ୍ତ ଅଛନ୍ତି । ଏହି ଯୋଡିଙ୍କ ଏହା ଦ୍ବିତୀୟ ଫିଲ୍ମ । ପୂର୍ବରୁ ‘ଦିଲୱାଲେ’ରେ ଦେଖିବାକୁ ମିଳିସାରିଛି ଦୁଇଜଣଙ୍କ କେମେଷ୍ଟ୍ରି । ଏହି ହରର ଡ୍ରାମା ଫିଲ୍ମ ନେଇ ପୁଣି ଫେରିବେ କ୍ରିତି ଓ ବରୁଣ । ଇତିମଧ୍ୟରେ ସେଟରୁ ଭାଇରାଲ ହୋଇଛି ବରୁଣଙ୍କ ମଜାଦାର ଭିଡିଓ । ଯାହାକୁ ସେୟାର କରି ଚର୍ଚ୍ଚାରେ କ୍ରିତି ।
ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳୁଛି ବରୁଣଙ୍କ ସହ ଜଣେ ଫ୍ୟାନ ନିଜ କୁନି ଝିଅକୁ ଧରି ଠିଆ ହୋଇଛନ୍ତି । ଆଉ ସେପଟେ ବରୁଣ କେକ କାଟି ସେହି ଫ୍ୟାନ୍ସଙ୍କୁ ଖାଇବାକୁ ଦେବା ବଳେ କୁନି ଝିଅ କେକ ଖାଇବାକୁ ଇଚ୍ଛା କରୁଛି । ହେଲେ ବରୁଣ ଝିଅକୁ କେକ ନଦେଇ ତାଙ୍କ ବାପାଙ୍କ କେକ ଖାଇବାକୁ ଦେଉଛନ୍ତି ।