ମୁମ୍ବାଇ: ‘କବୀର ସିଂ’ ଫେମ କିୟାରା ଆଡଭାନୀ ବର୍ତ୍ତମାନ ନିଜ ଆଗାମୀ ଫିଲ୍ମ ‘ଲକ୍ଷ୍ମୀ’ଙ୍କୁ ନେଇ ଚର୍ଚ୍ଚାରେ । ଫିଲ୍ମରେ ସେ ଖିଲାଡି ଅକ୍ଷୟ କୁମାରଙ୍କ ସହ ରୋମାନ୍ସ କରୁଥିବାର ନଜର ଆସିବେ । ନିକଟରେ ଫିଲ୍ମର ଦମଦାର ଟ୍ରେଲର ରିଲିଜ କରାଯାଇଥିଲା । ଯାହାକୁ ଖୁବ୍ ପସନ୍ଦ କରିଥିଲେ ସମସ୍ତେ । ଫିଲ୍ମ ବ୍ୟତୀତ କିୟାରା ଦୀର୍ଘ ସମୟରୁ ହ୍ୟାଣ୍ଡସମ ଆକ୍ଟର ସିଦ୍ଧାର୍ଥ ମଲହୋତ୍ରାଙ୍କ ସହ ରିଲେସନଶିପକୁ ନେଇ ମଧ୍ୟ ଚର୍ଚ୍ଚାରେ ଅଛନ୍ତି। ଦୁଇଜଣଙ୍କୁ ଅନେକଥର ଏକାଠି ମଧ୍ୟ ଦେଖିବାକୁ ମିଳିସାରିଛି । ହେଲେ ଏଯାବତ ଦୁଇଜଣଙ୍କ ପକ୍ଷରୁ ରିଲେସନଶିପକୁ ନେଇ କୌଣସି ସୂଚନା ମିଳିନାହିଁ, କିନ୍ତୁ ଅକ୍ଷୟ ଏହି ଲଭବାର୍ଡଙ୍କ ପୋଲ ଖୋଲି ଦେଇଛନ୍ତି ।
ଫିଲ୍ମର ପ୍ରମୋଶନ ପାଇଁ କପିଲ ଶର୍ମାଙ୍କ କମେଡି ଶୋ ‘ଦ କପିଲ ଶର୍ମା’ରେ ପହଞ୍ଚିଥିଲେ କିୟାରା ଓ ଅକ୍ଷୟ । ଆଉ ସେଠାରେ କିୟାରାଙ୍କ ଲଭ ଲାଇଫର ପର୍ଦ୍ଦାଫାଶ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ ଅକ୍ଷୟ । ଯାହାର ଏକ କ୍ଲିପ ସୋସିଆଲ ମିଡିଆରେ ବର୍ତ୍ତମାନ ଖୁବ୍ ଦେଖିବାକୁ ମିଳୁଛି ।