ମୁମ୍ବାଇ: ରବିବାର ବି-ଟାଉନର ଛୋଟେ ନୱାବ ସୈଫ ଅଲ୍ଲୀ ଖାନଙ୍କୁ ପୂରିଲା 50 ବର୍ଷ । ସେ 1970 ଅଗଷ୍ଟ 16 ତାରିଖରେ ଜନ୍ମ ହୋଇଥିଲେ । ସେ ନିଜ ଜନ୍ମଦିନ ପରିବାର ସହ ଘରେ ଧୁମଧାମ ପାଳନ କରିଛନ୍ତି। ଏହି ଅବସରରେ ପତ୍ନୀ ତଥା ଅଭିନେତ୍ରୀ କରୀନା କପୁର ଖାନ ତାଙ୍କୁ ସୋସିଆଲ ମିଡିଆରେ ଖାସ୍ ସରପ୍ରାଇଜ ଦେଇ ଚର୍ଚ୍ଚାରେ । ସେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସୈଫଙ୍କ ପିଲାବେଳରୁ ନେଇ ଏଯାବତର ଖାସ୍ ସ୍ମୃତି ଦେଖିବାକୁ ମିଳୁଛି ।
ଇନଷ୍ଟାଗ୍ରାମରେ ସେୟାର କରିଥିବା ଭିଡିଓରେ ସୈଫଙ୍କ ପୁରା ଯାତ୍ରାକୁ କଏଦ କରିଛନ୍ତି ସେ । ସେହିପରି ଭିଡିଓରେ ସୈଫଙ୍କ ଜନ୍ମ ସମୟଠୁ ନେଇ ଯୁବ ଅବସ୍ଥା ଦେଖିବାକୁ ମିଳୁଛି । ଏହାସହ ଭିଡିଓରେ ତାଙ୍କ ପୁଅ ଇବ୍ରାହିମ ଅଲ୍ଲୀ ଖାନ ଓ ସାରା ଅଲ୍ଲୀଙ୍କ ସହ ତୈମୁରଙ୍କ ଖାସ୍ ମୂହୁର୍ତ୍ତକୁ ସାମିଲ କରିଛନ୍ତି କରୀନା ।