‘ତେଜସ’ର ମୁମ୍ବାଇ ସିଡ୍ୟୁଲ ସୁଟିଂ ଶେଷ କଲେ କଙ୍ଗନା

ସୋସିଆଲ ମିଡିଆରେ ‘ତେଜସ’ ମୁମ୍ବାଇ ସିଡ୍ୟୁଲ ସୁଟିଂ ଶେଷ କରିବା ସୂଚନା ଦେଇ ଖୁସି ପ୍ରକାଶ କରିଛନ୍ତି କଙ୍ଗନା । ଫିଲ୍ମର ଆଗାମୀ ସୁଟିଂ ଦିଲ୍ଲୀ ଏବଂ ରାଜସ୍ଥାନରେ ହେବାକୁ ଯାଉଛି । ଅଧିକ ପଢନ୍ତୁ...

ମୁମ୍ବାଇ: ଏବର୍ଷ କଙ୍ଗନା ରଣାୱତଙ୍କ ଦୁଇ ଫିଲ୍ମକୁ ନେଇ ଖୁବ୍ ଚର୍ଚ୍ଚା । ଆକ୍ସନ ଡ୍ରାମା ଫିଲ୍ମ ‘ଧାକଡ’ ଓ ‘ତେଜସ’ ନେଇ ପରଦାକୁ ଫେରିବେ ଅଭିନେତ୍ରୀ । ଇତିମଧ୍ୟରେ ସେ ଫିଲ୍ମ ‘ତେଜସ’ର ମୁମ୍ବାଇ ସିଡ୍ୟୁଲ ସୁଟିଂ ଶେଷ କରିଛନ୍ତି । ଯେଉଁଥିରେ ସେ ଜଣେ ଯୁଦ୍ଧ ବିମାନର ପାଇଲଟ ଅବତାରରେ ନଜର ଆସିବେ । ସୁଟିଂ ଶେଷ କରିବା ଅବସରରେ ସେ ନିଜ ଖୁସି ସୋସିଆଲ ମିଡିଆରେ ପ୍ରକାଶ କରିଛନ୍ତି ।

ସେ ଟ୍ବିଟରେ ମୁମ୍ବାଇ ସୁଟିଂ ଶେଷ କରିବା ସୂଚନା ଦେଇ ସେ ଟିମ ସହ ଫଟୋ ସେୟାର କରିଛନ୍ତି । ଆଉ ସେଥିରେ ଲେଖିଛନ୍ତି, ‘ସଫଳତା ସହ ଶେଷ ହେଲା ତେଜସର ମୁମ୍ବାଇ ସିଡ୍ୟୁଲ ସୁଟିଂ । ଖୁବଶୀଘ୍ର ଦିଲ୍ଲୀ ଏବଂ ରାଜସ୍ଥାନକୁ ଯାତ୍ରା କରିବି ଆଗାମୀ ସୁଟିଂ ସିଡ୍ୟୁଲ ପାଇଁ । ଧନ୍ୟବାଦ ସମସ୍ତଙ୍କୁ ମତେ ସ୍ନେହ ଏବଂ ପ୍ରେମ ଦେଇଥିବାରୁ ।’

ପ୍ରକାଶ ଥାଉକି ‘ତେଜସ’ ଓ ‘ଧାକଡ’ ବ୍ୟତୀତ କଙ୍ଗନା ତାମିଲନାଡୁ ମୁଖ୍ୟମନ୍ତ୍ରୀ ଜୟଲଳିତାଙ୍କ ବାୟୋପିକ ‘ଥଲାଇଭି’ରେ ନଜର ଆସିବେ । ନିକଟରେ ଫିଲ୍ମର ସୁଟିଂ ଶେଷ କରିଥିଲେ ଅଭିନେତ୍ରୀ ।