ମନାଲି: ହାଥରସ ଗଣଦୁଷ୍କର୍ମ ପୀଡିତାଙ୍କ ମଙ୍ଗଳବାର ଦିନ ଦିଲ୍ଲୀର ସଫଦରଜଙ୍ଗ ହସ୍ପିଟାଲରେ ମୃତ୍ୟୁ ଘଟିଛି । ଘଟଣାକୁ ନେଇ ସାଧାରଣ ଜନତାଙ୍କଠାରୁ ସେଲିବ୍ରିଟି ସମସ୍ତେ ଜର୍ଜରିତ । ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କ ସହ ହାଥରସ ଗଣଦୁଷ୍କର୍ମକୁ ତୁଳନା କରାଯାଉଥିବାବେଳେ ଦିନକ ପରେ ଘଟଣାର ପ୍ରତିକ୍ରିୟା ଦେଇଛନ୍ତି ସେ ।
କଙ୍ଗନା କହିଛନ୍ତି ଯେ, ମୁଁ ନିଶ୍ଚିତ ଯେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଅପରାଧୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବେ । ଯେଉଁପରି ଭାବରେ ଡକ୍ଟର ପ୍ରିୟଙ୍କା ରେଡ୍ଡୀଙ୍କୁ ଗଣଦୁଷ୍କର୍ମ କରିଥିବା ଅପରାଧୀଙ୍କୁ ପୋଲିସ ମାରିଥିଲେ ଠିକ ସେହିପରି ଭାବରେ ହାଥରସ ଗ୍ୟାଙ୍ଗରେପ୍ ଅପରାଧୀଙ୍କ ବିରୋଧରେ କିଛି ସମାନ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ୍ ।
ଏଥି ସହ କଙ୍ଗନା ପୂର୍ବରୁ ଟ୍ବିଟରେ କହିଥିଲେ ଯେ, ଏହି ଦୁଷ୍କର୍ମକାରୀଙ୍କୁ ସର୍ବସାଧାରଣରେ ଗୁଳି କରାଯିବା ଉଚିତ୍, ଝିଅମାନେ ଏହି ଦେଶରେ କେବେ ସୁରକ୍ଷିତ ରହିବେ? ଲଜ୍ଜାଜନକ ।