ମୁମ୍ବାଇ: ଲୋକପ୍ରିୟ ଅଭିନେତ୍ରୀ କଙ୍ଗନା ରଣାୱତ ସୋସିଆଲ ମିଡିଆରେ ସବୁବେଳେ ସକ୍ରିୟ ରୁହନ୍ତି । କଙ୍ଗନା କେବଳ ମନୋରଞ୍ଜନ ପ୍ରସଙ୍ଗରେ ନୁହେଁ ସାମାଜିକ ତଥା ରାଜନୈତିକ ପ୍ରସଙ୍ଗରେ ମଧ୍ୟ ନିଜର ମତାମତ ରଖନ୍ତି। ନିକଟରେ ପଶ୍ଚିମବଙ୍ଗରେ ନିର୍ବାଚନ ପରେ ଅନେକ ସ୍ଥାନରେ ହିଂସା ହେବାର ଖବର ସାମ୍ନାକୁ ଆସିଥିଲା। ଯାହା ଉପରେ ପ୍ରତିକ୍ରିୟା ରଖି ଚର୍ଚ୍ଚାରେ ଅଭିନେତ୍ରୀ ।
ମୋଦିଙ୍କ ପ୍ରଶଂସା କରି ମମତାଙ୍କ ତିରସ୍କାର କଲେ କଙ୍ଗନା
ପୁଣି ଟ୍ବିଟକୁ ନେଇ ଚର୍ଚ୍ଚାରେ କଙ୍ଗନା ରଣାୱତ । ବଙ୍ଗଳା ହିଂସାକାଣ୍ଡ ଉପରେ ପ୍ରତିକ୍ରିୟା ରଖି କହିଲେ ଆଶ୍ଚର୍ଯ୍ୟକର କଥା । ଅଧିକ ପଢନ୍ତୁ...
ଡିଜାଇନ ଫଟୋ
କଥାଟି ହେଲା ଯେ ରବିବାର ବିଧାନସଭା ନିର୍ବାଚନର ଫଳାଫଳ ଘୋଷଣା କରାଯାଇଥିଲା। ଏଥିରେ ଟିଏମସି ପୁଣି ଥରେ ବଙ୍ଗଳାରେ ଜିତିଛି। ହେଲେ ନିର୍ବାଚନ ପରେ ମଧ୍ୟ ହିଂସା ରାଜନୀତି ବନ୍ଦ ହୋଇ ନଥିଲା। ବଙ୍ଗଳାର ଅନେକ ସ୍ଥାନରେ ହିଂସା ଦେଖିବାକୁ ମିଳିଥିଲା। ନନ୍ଦିଗ୍ରାମ ଏବଂ ଅରାମବାଗରେ ଥିବା ବିଜେପି କାର୍ଯ୍ୟାଳୟରେ ହୋଇଥିବା ବିଶୃଙ୍ଖଳା କାରଣରୁ ଏହି ବିବାଦ ଆରମ୍ଭ ହୋଇଥିଲା।
ସେପଟେ ପ୍ରତିକ୍ରିୟା ରଖି କଙ୍ଗନା କହିଛନ୍ତି, ‘ଆସାମ ଏବଂ ପୁଣ୍ଡୁଚେରୀରେ ବିଜେପି ଜିତିଲା, କିନ୍ତୁ ସେଠାରୁ କୌଣସି ହିଂସା ଖବର ଆସିନାହିଁ। ବଙ୍ଗଳା ନିର୍ବାଚନରେ ଟିଏମସି ଜିତିଥିଲା ଏବଂ ସେଠାରେ ଶହ ଶହ ଲୋକଙ୍କ ମୃତ୍ୟୁ ଖବର ଆସୁଛି, କିନ୍ତୁ ଲୋକେ କହିବେ ଯେ ନରେନ୍ଦ୍ର ମୋଦି ଜଣେ ଶାସକ ଏବଂ ମମତା ବାନାର୍ଜୀ ଧର୍ମନିରପେକ୍ଷ।’