ଲୁଚି ଲୁଚି କୁଇନଙ୍କ ପ୍ରଶଂସା କରନ୍ତି ଖିଲାଡି, କହିଲେ ଅଭିନେତ୍ରୀ

ଗୁପ୍ତ କଲ ମାଧ୍ୟମରେ କଙ୍ଗନାଙ୍କ ପ୍ରଶଂସା କରନ୍ତି ଅକ୍ଷୟ । ହେଲେ ସମସ୍ତଙ୍କ ସାମ୍ନାରେ କେହି ତାଙ୍କ ପ୍ରଶଂସା କରନ୍ତି ନାହିଁ । କାରଣ ବଲିଉଡରେ ରହିଛି ମାଫିଆ ଆତଙ୍କ । ଅଧିକ ପଢନ୍ତୁ...

ମୁମ୍ବାଇ: ବୁଧବାର ବିଳମ୍ବିତ ରାତିରେ ଅଭିନେତ୍ରୀ କଙ୍ଗନା ରଣାୱତ ଟ୍ବିଟ କରି କହିଛନ୍ତି ଯେ ସେ ଅନେକ ବଡ ସେଲିବ୍ରିଟଙ୍କ ଠାରୁ ଗୁପ୍ତ କଲ ଏବଂ ବାର୍ତ୍ତା ପାଇଛନ୍ତି। ସେମାନଙ୍କ ମଧ୍ୟରେ ସୁପରଷ୍ଟାର ଅକ୍ଷୟ କୁମାରଙ୍କ ମଧ୍ୟ ସାମିଲ ଅଛନ୍ତି । ଯିଏ ତାଙ୍କର ପ୍ରଶଂସା କରନ୍ତି, ହେଲେ ସମସ୍ତଙ୍କ ସାମ୍ନାରେ ନୁହେଁ ବରଂ କଲ୍ ମାଧ୍ୟମରେ । ଯାହାକୁ ନେଇ ବର୍ତ୍ତମାନ ଚର୍ଚ୍ଚା ।

କଥାଟି ହେଲା ଯେ ନିଜ କାର୍ଯ୍ୟର ପ୍ରଶଂସା କରି ଏକ ଟ୍ବିଟରେ ସେ ଲେଖିଥିଲେ, ‘ବଲିଉଡରେ ଏତେ ଶତ୍ରୁ ଯେ ମୋତେ ପ୍ରଶଂସା କରିବା ଦ୍ବାରା ମଧ୍ୟ ଅନ୍ୟମାନେ ଅସୁବିଧାରେ ପଡିପାରନ୍ତି, ମୋତେ ବଡ ବଡ ସେଲିବ୍ରିଟିଙ୍କ ଠାରୁ ଅନେକ ଗୁପ୍ତ କଲ ଏବଂ ବାର୍ତ୍ତା ମଧ୍ୟ ମିଳିଛି। ଅକ୍ଷୟ ମଧ୍ୟ ମୋ ପ୍ରଶଂସା କରିଛନ୍ତି । ଥଲାଇଭି ଟ୍ରେଲର ସମସ୍ତଙ୍କୁ ପସନ୍ଦ ଆସିଛି । ହେଲେ ଦୀପିକା ପାଦୁକୋନ ଓ ଆଲିୟା ଭଟ୍ଟଙ୍କ ଭଳି ଅଭିନେତ୍ରୀ ମୋର ଖୁଲମଖୁଲା ପ୍ରଶଂସା କରିବେ ନାହିଁ । କାରଣ ବଲିଉଡରେ ମାଫିଆ ଆତଙ୍କ ।’

ପ୍ରକାଶ ଥାଉକି ଆସନ୍ତା 23 ତାରିଖରେ ରିଲିଜ ହେବ କଙ୍ଗନାଙ୍କ ‘ଥଲାଇଭି’ । ମାର୍ଚ୍ଚ 23 ତଥା ଅଭିନେତ୍ରୀ ଜନ୍ମଦିନ ଅବସରରେ ରିଲିଜ ହୋଇଥିଲା ଫିଲ୍ମର ଜବରଦସ୍ତ ଟ୍ରେଲର । ଯାହାର ପ୍ରଶଂସା ଏଯାବତ ଚାଲିଛି ।