ମୁମ୍ବାଇ: ପୁଣି ବିବାଦୀୟ କଥା ପାଇଁ ଚର୍ଚ୍ଚାରେ ବଲିଉଡର କୁଇନ କଙ୍ଗନା ରଣାୱତ । ଏଥର ସେ ଦେଶବାସୀଙ୍କ ଦେବଦୂତ ସାଜି ସେବା କରୁଥିବା ସୋନୁ ସୁଦଙ୍କ ପାଇଁ ଚର୍ଚ୍ଚାରେ ଆସିଛନ୍ତି । କାରଣ ସୋନୁଙ୍କୁ ଫ୍ରଡ କହୁଥିବା ଏକ ଟ୍ବିଟକୁ ଲାଇକ କରି ସୋନୁଙ୍କ ଫ୍ୟାନ୍ସଙ୍କ ରାଗର ଶିକାର ହୋଇଛନ୍ତି ସେ ।
କଥାଟି ହେଲା ଯେ ସୋମବାର ଜଣେ ୟୁଜର ଏକ ବିଜ୍ଞାପନ ଟ୍ବିଟରରେ ସେୟାର କରିଥିଲେ । ଯେଉଁଥିରେ ସୋନୁ ଅକ୍ସିଜେନ କନ୍ସଷ୍ଟ୍ରେଟରକୁ ପ୍ରମୋଟ କରୁଥିବାର ନଜର ଆସୁଛନ୍ତି । ଯାହାର ମୂଲ୍ୟ ଲକ୍ଷାଧିକ ଟଙ୍କା । ଏହାକୁ ପୋଷ୍ଟ କରି ସୋନୁଙ୍କୁ ଟାର୍ଗେଟ କରିଥିଲେ ସେହି ୟୁଜର ।