ମୁମ୍ବାଇ: ସୁଶାନ୍ତ ସିଂ ରାଜପୁତ ମାମଲାରେ ମୁମ୍ବାଇ ପୋଲିସ ତାଙ୍କ ସହ ସମ୍ପୃକ୍ତ ଥିବା ଲୋକଙ୍କୁ ପଚରାଉଚରା କରିବାରେ ଲାଗିଛି । ଏଯାବତ ପୋଲିସ 40ରୁ ଅଧିକ ଲୋକଙ୍କ ବୟାନ ରେକର୍ଡ କରିସାରିଲାଣି । ରବିବାରରେ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ କହିଥିଲେ ଯେ ଆବଶ୍ୟକ ପଡିଲେ ନିର୍ମାତା କରନ ଜୋହରଙ୍କ ମ୍ୟାନେଜରଙ୍କ ବୟାନ ରେକର୍ଡ କରାଯିବ । ଏହି ମାମଲାରେ ଏବେ ବି-ଟାଉନର କୁଇନ କଙ୍ଗନା ରଣାୱତ ରାଗିଯାଇଛନ୍ତି ।
କରନଙ୍କ ପରିବର୍ତ୍ତେ ତାଙ୍କ ମ୍ୟାନେଜରଙ୍କୁ ପଚରାଉଚରା କରିବା କଥାରେ କ୍ରୋଧିତ ନଜର ଆସୁଛନ୍ତି କଙ୍ଗନା । ସେ ପୋଲିସକୁ ଟାର୍ଗେଟ କରି ଅନେକ କଥା କହିଛନ୍ତି । ଏହାକୁ ଆଧାର କରି ତାଙ୍କ ସୋସିଆଲ ମିଡିଆ ଟିମ ଏକ ଟ୍ବିଟ ମଧ୍ୟ କରିଛନ୍ତି ।
ଯେଉଁଥିରେ କଙ୍ଗନା ଅଭିଯୋଗ ଲଗାଇଛନ୍ତି ଯେ ସୁଶାନ୍ତଙ୍କ ମୃତ୍ୟୁର ମଜାକ ଉଡାଉଛି ପୋଲିସ । ସେହିପରି ତାଙ୍କ ଟ୍ବିଟରେ ଲେଖାଯାଇଛି, ‘ତେବେ କରନ ଜୋହରଙ୍କ ମ୍ୟାନେଜରକୁ ପୋଲିସ ସମନ ପଠାଇଛି। ହେଲେ ଆଦିତ୍ୟ ଠାକରେଙ୍କ ବେଷ୍ଟଫ୍ରେଣ୍ଡ କରନ ଜୋହରଙ୍କୁ ନୁହେଁ । ସୁଶାନ୍ତଙ୍କ ହତ୍ୟାରେ ମଜାକ କରୁଛି ମୁମ୍ବାଇ ପୋଲିସ । ଯାହାକୁ ବନ୍ଦ କରିବାକୁ ଦରକାର। ସମନ ଜାରି କରିବାରେ ପୋଲିସ ଲଜ୍ୟାଜନକ କାମ କରିଛି । କଙ୍ଗନାଙ୍କୁ ସମନ ପଠାଯାଇଛି ତାଙ୍କ ମ୍ୟାନେଜରଙ୍କୁ ନୁହେଁ । ମହାରାଷ୍ଟ୍ର ମୁଖ୍ୟମନ୍ତ୍ରୀ ପୁଅଙ୍କ ବେଷ୍ଟଫ୍ରେଣ୍ଡଙ୍କ ମ୍ୟାନେଜରଙ୍କୁ ସମନ ପଠାଗଲା । ହେଲେ କଣ ପାଇଁ ? ସାହେବକୁ କୌଣସି ସମସ୍ୟା ନହେଉ ଏଥି ପାଇଁ।’
ପ୍ରକାଶ ଥାଉକି ସୁଶାନ୍ତଙ୍କ ମୃତ୍ୟୁ ପରଠୁ କଙ୍ଗନା କ୍ରମାଗତ ଭାବେ ବଲିଉଡ ଉପରେ ଅନେକ ଅଭିଯୋଗ ଲାଇସାରିଲେଣି । ସେ ସୋସିଆଲ ମିଡିଆରେ ଭିଡିଓ ସେୟାର କରି ଅନେକ ସେଲିବ୍ରିଟିଙ୍କୁ ଏହା ପାଇଁ ଦାୟୀ ମଧ୍ୟ କରୁଛନ୍ତି।
