ଅନ୍ତର୍ଜାତୀୟ ପୁରୁଷ ଦିବସକୁ ନେଇ ଏମିତି ପୋଷ୍ଟ କଲେ କାଜୋଲ

ଭାଇରାଲ ହେଲା କାଜଲଙ୍କ ନୂଆ ପୋଷ୍ଟ । ଅନ୍ତର୍ଜାତୀୟ ପୁରୁଷ ଦିବସ ପାଳନ କରି ଜଣାଇଲେ ନିଜ ଜୀବନର ମହାନ ପୁରୁଷଙ୍କ ବିଷୟରେ । ଅଧିକ ପଢନ୍ତୁ...

ମୁମ୍ବାଇ: ଗୁରୁବାର ପୁରା ବିଶ୍ବରେ ପାଳନ ହୋଇଥିଲା ଅନ୍ତର୍ଜାତୀୟ ପୁରୁଷ ଦିବସ । ଏହି ଅବସରରେ ବି-ଟାଉନର ଲୋକପ୍ରିୟ ଅଭିନେତ୍ରୀ କାଜଲ ସେହି ପୁରୁଷଙ୍କ ପାଇଁ ଗର୍ବିତ ଅନୁଭବ କରିଥିଲେ ଯିଏ ତାଙ୍କ ଜୀବନରେ ଅଛନ୍ତି । ଆଉ ଏକ ସୁନ୍ଦର ଫଟୋ ସେୟାର କରି ସମସ୍ତଙ୍କୁ ଜଣାଇଥିଲେ ନିଜ ମନ କଥା ।

ସେ ଇନଷ୍ଟାଗ୍ରାମରେ ଯେଉଁ ଫଟୋ ପୋଷ୍ଟ କରିଛନ୍ତି, ସେଥିରେ ସୁପରଷ୍ଟାର ଅଜୟ ଦେବଗନ ତାଙ୍କ ପୁଅ ୟୁଗ ଏବଂ ଦୁଇ ପୁତୁରା ଅମନ ଓ ଦାନିଶ ନଜର ଆସୁଛନ୍ତି । ସେହିପରି ଏହାର କ୍ୟାପସରେ ସେ ଲେଖିଛନ୍ତି, ‘ମହିଳା ପୁରୁଷଙ୍କୁ ଆଗକୁ ନିଅନ୍ତି, ଚାଲନ୍ତୁ ଆମେ ଯେପରି ବ୍ୟବହାର କରିବାକୁ ଚାହୁଁଛୁ ସେହିପରି କରିବା । ମୁଁ ଏହି ସମସ୍ତଙ୍କ ପାଇଁ ଅତ୍ୟଧିକ ଗର୍ବିତ ।’

ପ୍ରକାଶ ଥାଉକି କାଜଲ ଖୁବଶୀଘ୍ର ଡିଜିଟାଲ ଦୁନିଆରେ ପଦାର୍ପଣ କରିବାକୁ ଯାଉଛନ୍ତି । ସେ ୱେବ ଫିଲ୍ମ ‘ତ୍ରିଭଙ୍ଗା’ ନେଇ ଫେରିବେ । ମୁମ୍ବାଇର କାହାଣୀକୁ ନେଇ ଆଧାରିତ ହେବ ସିରିଜ । 1980ର କାହାଣୀ ଦେଖିବାକୁ ପାଇବେ ସମସ୍ତେ । ସେହିପରି ଏହାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ଅଭିନେତ୍ରୀ ରେଣୁକା ସାହାଣୀ । ଆଉ କାଜଲଙ୍କ ସହ ନଜର ଆସିବେ ତାନଭି ଆଜମି ଏବଂ ମିଥିଲା ପାଲକର ।