ମୁମ୍ବାଇ: ନିକଟରେ ସୁନ୍ଦରୀ ଅଭିନେତ୍ରୀ ଇଲିଆନା ଡିକ୍ରୁଜ ଚର୍ଚ୍ଚିତ ଫିଲ୍ମ ‘ଅନଫେୟାର ଆଣ୍ଡ ଲଭଲି’ର ସୁଟିଂ ଶେଷ କରିଥିଲେ । ତାଙ୍କ ସହ ଏଥର ପରଦାରେ ନଜର ଆସିବେ ବି-ଟାଉନର ହ୍ୟାଣ୍ଡସମ ଆକ୍ଟର ରଣଦୀପ ହୁଡ୍ଡା । ଆଉ ପ୍ରୋଜେକ୍ଟ ଶେଷ କରି ସେ ୟୁଏସ ସ୍ଥିତ ହାଉସଟନରେ ଥିବା ନିଜ ଘରକୁ ଫେରିଛନ୍ତି । ଇତିମଧ୍ୟରେ ସେ ନିଜର ଏକ ସ୍ବିଟ ସେଲ୍ଫ ଫଟୋ ପୋଷ୍ଟ କରି ଫ୍ୟାନ୍ସକୁ ଅପଡେଟ ଦେଇଛନ୍ତି । ବର୍ତ୍ତମାନ ଭାଇରାଲ ହେଉଛି ତାଙ୍କ ଏହି ସେଲ୍ଫି ।
ଭାଇରାଲ ହେଉଛି ଇଲିଆନାଙ୍କ ସୁଇଟ୍ ସେଲ୍ଫି
ଘରକୁ ଫେରି ଖୁସି ନଜର ଆସୁଛନ୍ତି ଇଲିଆନା । ଦୀର୍ଘ ସମୟରୁ ସେ ନିର୍ଦ୍ଦେଶକ ବଲବିନ୍ଦରଙ୍କ ଅପକମିଂ ଫିଲ୍ମ ‘ଅନଫେୟାର ଆଣ୍ଡ ଲଭଲି’ର ସୁଟିଂରେ ବ୍ୟସ୍ତ ଥିଲେ । ଏବେ ଘରକୁ ଫେରିବା ଖୁସି ସେୟାର କରିଛନ୍ତି ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଇଲିଆନା ଡିକ୍ରୁଜ
ସେହିପରି ପୋଷ୍ଟର କ୍ୟାପସନରେ ଲେଖିଛନ୍ତି, ‘ଟିକେ ନିଦରୁ ବଞ୍ଚିତ । ହେଲେ ଘରକୁ ଫେରି ଖୁସି ଲାଗୁଛି ।’
ପ୍ରକାଶ ଥାଉକି ନିକଟରେ ଫିଲ୍ମ ସୁଟିଂ ଶେଷ କରିବା ଅବସରରେ ସେ ଏକ ସ୍ପେଶାଲ ନୋଟ୍ ସେୟାର କରି ଚର୍ଚ୍ଚାରେ ଆସିଥିଲେ । ଭାଇରାଲ ହୋଇଥିବା ତାଙ୍କ ଫଟୋରେ ରଣଦୀପ ଓ ନିର୍ଦ୍ଦେଶକ ବଲବିନ୍ଦର ସିଂ ନଜର ଆସିଥିଲେ । ଫିଲ୍ମ ‘ଅନଫେୟାର ଆଣ୍ଡ ଲଭଲି’ର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ବଲବିନ୍ଦର ।